استانا. 10 اقپان. استانادا قورعانىس مينيسترلىگى عيماراتى ماڭىندا اۆتوكولىك جارىلىپ, ءبىر اسكەري قىزمەتشى قازا تاپتى. بۇل تۋرالى قورعانىس مينيسترلىگىنىڭ ءباسپاسوز قىزمەتىنە سىلتەمە جاساعان تengrinews.kz ءتىلشىسى حابارلادى.
«بۇگىن استانادا دوستىق كوشەسىندە قر قورعانىس مينيسترلىگى اسكەري بولىمدەرىنىڭ ءبىرىنىڭ قىزمەتشىسى, پودپولكوۆنيك, 1975 جىلى تۋعان سىزدىقوۆ ارمان قايدار ۇلى وتىرعان Chevrolet ماركالى اۆتوكولىكتە جارىلىس بولدى. العان جاراقاتىنان ول وقيعا ورنىندا قايتىس بولدى, كوشەدەن ءوتىپ بارا جاتقانداردىڭ ەشقايسىسى زارداپ شەككەن جوق», - دەلىنگەن مينيسترلىكتىڭ ءباسپاسوز حابارلاماسىندا.
وقيعانى تەرگەۋ ءۇشىن جەدەل-تەرگەۋ توبى قۇرىلدى. فاكت بويىنشا قىلمىستىق ءىس قوزعالدى.
«وقيعا ورنىنان ءولىم الدىنداعى حات تابىلدى, لاڭكەستىك ارەكەت تۋرالى بولجام جوققا شىعارىلدى», - دەپ حابارلادى ءباسپاسوز قىزمەتى.
قۇرىش نۇرىمبەت.