«سازدىڭ ءپىرى – نۇرعيسا»

يۋنەسكو باس كون­فە­رەنتسياسىنىڭ 42-سەسسياسىندا يۋنەسكو-نىڭ اتاۋ­لى كۇندەرى تىزبەسىنە 2025 جىلى ايگىلى كومپوزيتور, كۇيشى نۇرعيسا تىلەنديەۆتىڭ 100 جىلدىعىن ەنگىزۋ تۋرالى قازاقستاننىڭ ۇسىنى­سى قولداۋ تاپتى. تۇركسوي تۇراقتى كەڭەسىنىڭ 40-وتىرىسىندا «2025 جىل – نۇرعيسا تىلەنديەۆتىڭ جىلى» بولىپ جاريالاندى.

وسىعان وراي ۇيىم­داستىرىلعان ءىس-شارادا «نۇرعيسا تىلەنديەۆ – 100 جىل» اتتى كىتاپ كورمەسى ­جا­ساقتالدى.

القالى جيىنعا مودە­راتورلىق ەتكەن PhD اي­تولقىن توقتاعان قازاق­تىڭ مۋزىكالىق مادەنيەتى­نە كوم­­­پوزيتور, ديريجەر, ورىن­­­­­داۋشى رەتىندە وشپەس ءىز قال­­­دىرعان سۋرەتكەر تۋرالى كە­ڭىنەن ماعلۇمات بەردى.

قازاقستاننىڭ حالىق ءارتىسى قاي­رات بايبو­سىنوۆ ءىس-شا­راعا ونلاين قاتىسىپ, ونەردەگى ۇستازى نۇرعيسا تىلەنديەۆتىڭ حا­لىقتىق مۋزىكا ونەرىنىڭ داستۇرلە­رىن ساقتاۋ مەن ور­كەندەتۋ جولىنداعى وراسان ەڭبەگىنە توقتالدى.

سونىمەن قاتار كۇيشى-دومبىراشى ايتجان توق­تاعان, كۇيشى, ديريجەر ايتقالي جايىموۆ, كۇيشى, ونەرتانۋشى, قازاقستان­نىڭ ەڭبەك سىڭىرگەن قاي­رات­كەرى جانعالي ءجۇزباي سىندى قۇرمەتتى قوناقتار كومپوزيتوردىڭ ءومىرى مەن شىعارماشىلىق جولى, سازگەرلىك قاسيەتى مەن ازامات­تىق كەلبەتى حاقىندا جىلى ەستەلىكتەرىمەن ءبولىستى.

رۋحاني كەشتە نۇرعيسا تىلەنديەۆتىڭ حالىققا تانىمال شىعارمالارى ورىندالدى.

ءىس-شاراعا قازاق ۇلت­تىق ونەر ۋنيۆەرسيتەتى­نىڭ ءداستۇرلى مۋزىكالىق ونەر فاكۋلتەتىنىڭ ستۋ­دەنتتەرى, استانا قا­لا­سى مۋزىكا مەك­تەپتە­رىنىڭ پەداگوگتەرى, كىتاپ­حانا­شىلار مەن وقىر­ماندار قاتىستى.