توتەنشە جاعدايلار مينيسترلىگى ەكى وبلىستىڭ اۋماعىندا قار كوشكىنى جۇرگەنىن حابارلادى, دەپ جازادى Egemen.kz.
الماتى وبلىسىنداعى وبلىستىق ماڭىزى بار «تۇرگەن-باتان اۋىلى» تاس جولىنىڭ 22 جانە 23 شىقىرىمى ارالىعىنداعى اسى وبسەرۆاتورياسى ەڭبەكشىقازاق اۋدانىنداعى تاۋ بوكتەرىندە كولەمى 200 تەكشە مەتر قار كوشكىنى وزدىگىنەن تۇسكەن. شىعىس قازاقستان وبلىسىنداعى كاتونقاراعاي اۋدانىندا جانە جەرگىلىكتى ماڭىزى بار «سوگورنوە-بارلىق» اۆتوجولىنىڭ 16-شى شاقىرىمىندا كولەمى 250 تەكشە مەتر قار كوشكىنى تۇسكەن. ال گلۋبوكوە اۋدانى «وسكەمەن-گورنايا ۋلبينكا-سەۆەرنوە» تاس جولىندا قار كوشكىنىنىڭ الدىن الۋ جۇمىستارى جۇرگىزىلىپ, جالپى كولەمى 680 تەكشە مەتر قار تۇسىرىلگەن. التاي اۋدانىنداعى رەسپۋبليكالىق ماڭىزى بار «وسكەمەن - التاي - ۇلكەن نارىن - قاتون-قاراعاي - راحمانوۆ كىلتى» ا/ج الدىن الا جابىلعان اۋماعىندا كولەمى 120 تەكشە مەتر قار كوشكىنى وزدىگىنەن تۇسكەن. تجم قار كوشكىنى سالدارىنان زارداپ شەككەندەردىڭ جوق ەكەنىن مالىمدەدى. قار كوشكىنى جولدى جاۋىپ تاستاعان.