الماتىنىڭ باس بوتانيكالىق باعى العاشقى گالانتۋس گۇلدەگەنىن حابارلادى. بۇل نازىك وسىمدىكتەردى حالىق اراسىندا بايشەشەك دەپ تە اتايدى, دەپ جازادى Egemen.kz.
بوتانيكالىق باق ماماندارىنىڭ ايتۋىنشا, ادەتتە بايشەشەكتەر قاڭتار-اقپان ايلارىندا گۇلدەيدى. الايدا بيىلعى قىستىڭ ۇزاققا سوزىلۋىنا بايلانىستى ولار ءسال كەشىگىپ گۇلدەگەن.
«گالانتۋستاردىڭ تىم وسال ەكەنىن ەسكە سالامىز, سوندىقتان ولارعا ۇقىپتى قاراۋىڭىزدى, كوگالدار مەن اشىق جەرلەردە جۇرمەۋىڭىزدى, اسىرەسە گۇلدەردى تەرمەۋدى سۇرايمىز», دەپ حابارلادى باقتىڭ ءباسپاسوز قىزمەتى.
ايتا كەتەيىك, گۇلدەردىڭ سۇلۋلىعىن تاماشالاپ, ولاردىڭ ەرەكشەلىكتەرىمەن تانىسقىسى كەلەتىندەر ءۇشىن بوتانيكالىق باق ارنايى ەكسكۋرسيا ۇيىمداستىرادى. كاسىبي گيد كەلۋشىلەرگە بايشەشەكتەردىڭ ءوسۋ ايماعىن كورسەتىپ, ولار تۋرالى قىزىقتى مالىمەتتەرمەن بولىسەدى.