قازاقستان رەسپۋبليكاسى پارلامەنتى ماجىلىسىندە تۇرعىن ءۇي-كوممۋنالدىق شارۋاشىلىق سالاسىن رەتتەۋگە باعىتتالعان زاڭ جوبالارى ءبىرىنشى وقىلىمدا قارالدى. بۇل باستامانى دەپۋتاتتار ا. راۋ, ن. سابيليانوۆ, ە. سمىشلياەۆا, يۋ. كۋچينسكايا جانە ب. ورىنباساروۆ كوتەرىپ, سالاداعى وزەكتى ماسەلەلەردى شەشۋگە ارنالعان بىرقاتار وزگەرىستەردى ۇسىندى, دەپ حابارلايدى Egemen.kz.
نۇرتاي سابيليانوۆتىڭ ايتۋىنشا, قۇجاتتار پاتەر يەلەرى كووپەراتيۆتەرى (پيك), م ۇلىك يەلەرى بىرلەستىكتەرى (ميب) جانە قاراپايىم سەرىكتەستىكتەردىڭ (قس) قىزمەتىن رەتتەۋگە, تۇرعىن ءۇي باسقارۋ جۇيەسىن جەتىلدىرۋگە, قارجىلىق اشىقتىقتى ارتتىرۋعا, سونداي-اق سالاداعى اكىمشىلىك جاۋاپكەرشىلىكتى كۇشەيتۋگە باعىتتالعان.
«قاراپايىم سەرىكتەستىك» ۇعىمى الىنىپ تاستالدى. بۇدان باسقا, اشىقتىقتى ارتتىرۋ ءۇشىن زاڭ جوبالارى باسقارۋ سۋبەكتىلەرىنىڭ اقپاراتتىق جۇيەلەردە قاراجاتتىڭ جۇمسالۋى مەن جيناقتالۋى تۋرالى اي سايىنعى ەسەپتىلىكتى مىندەتتى تۇردە ورنالاستىرۋ بولىگىندە وزگەرىستەر ۇسىنىلعان. تۇرعىن ءۇي ينسپەكتسياسىنىڭ وكىلەتتىكتەرى كەڭەيتىلگەن. سونداي-اق, ىلەسپە زاڭداردا م ۇلىك وبەكتىلەرىن باسقارۋ سۋبەكتىلەرىنە سالىق سالۋ ءتارتىبى ايقىندالعان جانە شوتتاردى اشۋ مەرزىمدەرىن بۇزعانى, كجت-عا ەسەپتىلىكتى, قۇجاتتامانى ۇسىنباعانى ءۇشىن اكىمشىلىك جاۋاپكەرشىلىك بەلگىلەنگەن (50 اەك)», دەدى نۇرتاي سابيليانوۆ.
ايتا كەتەيىك, پارلامەنت ءماجىلىسىنىڭ تۇراقتى كوميتەتتەرى زاڭ جوباسى بويىنشا وڭ قورىتىندىلار ۇسىنعان.
ءماجىلىس دەپۋتاتى نۇرتاي سابيليانوۆ زاڭ جوباسىن ءبىرىنشى وقىلىمدا قولداۋعا شاقىردى.
«جوعارىدا ايتىلعاندارعا بايلانىستى سىزدەن وسى زاڭ جوباسىن ءبىرىنشى وقىلىمدا قولداۋىڭىزدى سۇرايمىن. جۇمىس توبى زاڭ جوباسىن ەكىنشى وقىلىمعا دايىنداۋ اياسىندا جۇمىسىن جالعاستىرادى», دەدى ول.