مادەنيەت جانە اقپارات ءمينيسترى ايدا بالاەۆا تانىمال تەاتر قايراتكەرى الەكساندر سوۆوستيانوۆتى «استانا وپەرا» تەاترىنىڭ ديرەكتورى لاۋازىمىنا تاعايىندادى, دەپ حابارلايدى Egemen.kz.
تەاتردىڭ ءباسپاسوز قىزمەتى الەكساندر سوۆوستيانوۆتىڭ ەسىمى تەاتر تاريحىمەن تىعىز بايلانىستى ەكەنىن اتاپ ءوتتى.
2013 جىلى «استانا وپەرا» تەاترى قۇرىلعاندا ول ونىڭ باستاۋىندا بولىپ, ديرەكتوردىڭ ورىنباسارى قىزمەتىن اتقارعان. ودان كەيىنگى جىلدارى «استانا بالەت» تەاترىن تابىستى باسقارىپ, ونىڭ حالىقارالىق ارەناداعى ورنىن نىعايتۋعا ۇلەس قوسقان. ونەر جانە مەديا سالاسىنداعى باسقارۋ تاجىريبەسىنىڭ ارقاسىندا ول ءوزىن بىلىكتى باسشى ءارى ستراتەگ رەتىندە كورسەتكەن.
الەكساندر سوۆوستيانوۆ تەاتر رەپەرتۋارىن كەڭەيتۋگە جانە حالىقارالىق ىنتىماقتاستىقتى ۇلعايتۋعا ايرىقشا كوڭىل ءبولىپ, «استانا وپەرانىڭ» داستۇرلەرىن دامىتۋدى جالعاستىراتىنىن ايرىقشا اتاپ ءوتتى. سونداي-اق ول جاس دارىنداردى قولداۋ جانە كورەرمەندەر اۋديتورياسىن كەڭەيتۋ جۇمىستىڭ باسىم باعىتتارىنىڭ ءبىرى بولاتىنىنا نازار اۋداردى.
الەكساندر سوۆوستيانوۆ 2013 جىلدان 2019 جىلعا دەيىن «استانا وپەرا» مەملەكەتتىك وپەرا جانە بالەت تەاترىندا ديرەكتوردىڭ بايلانىس جانە ماركەتينگ جونىندەگى ورىنباسارى قىزمەتىن اتقارعان.
2019 جىلى «استانا بالەت» تەاترىنىڭ ديرەكتورى بولىپ تاعايىندالىپ, وندا التى جىل ەڭبەك ەتكەن.
مەديا-يندۋستريادا قىزمەت ەتكەن.