ۇلىبريتانيانىڭ شىعىس جاعالاۋىندا, كينگستون-اپون-حالل قالاسىنان شامامەن 20 شاقىرىم قاشىقتىقتا مۇناي تانكەرى مەن ۋلى حيميكاتتاردى تاسىمالداعان جۇك كەمەسى سوقتىعىستى, دەپ حابارلايدى Egemen.kz Euronews-كە سىلتەمە جاساپ.
حابارلانعانداي, قاتتى سوقتىعىستان كەيىن ەكى كەمە دە ورتەنىپ, ءبىر ەكيپاج مۇشەسى ءىز-ءتۇسسىز جوعالىپ كەتكەن.
وقيعا ورنىنا تىكۇشاق, قۇتقارۋ قايىقتارى جانە ءورت ءسوندىرۋ كەمەلەرى جىبەرىلگەن. اپاتتىڭ سالدارىن جويۋ جۇمىستارىن ۇلىبريتانيانىڭ جاعالاۋ كۇزەتى ۇيلەستىرەدى.
الدىن الا مالىمەتتەرگە سايكەس, اقش تۋى استىنداعى Stena Immaculate تانكەرى گرەكيادان كەلىپ, زاكىردە تۇرعان كەزدە پورتۋگاليا تۋىن كوتەرگەن Solong جۇك كەمەسى وعان سوعىلعان. جۇك كەمەسى شوتلانديانىڭ گرەيندجمۋت پورتىنان شىعىپ, نيدەرلاندتىڭ روتتەردام قالاسىنا بەت العان.
تەڭىزگە بەلگىلى ءبىر مولشەردە جانارماي توگىلگەنى انىقتالعان, الايدا جۇك كەمەسىندەگى ۋلى حيميكاتتاردىڭ سۋعا تۇسكەنى تۋرالى مالىمەت ناقتىلانباعان.
اپاتتىڭ سەبەبى بەلگىسىز, تەرگەۋ جۇرگىزىلىپ جاتىر. وقيعا ورنىندا قۇتقارۋ وپەراتسياسى اياقتالعان.