ۆاشينگتون مەن بەيجىڭ اراسىندا پرەزيدەنت دونالد ترامپ پەن قىتاي باسشىسى سي ءتسزينپيننىڭ قاتىسۋىمەن ماۋسىم ايىندا اقش-تا ءوتۋى مۇمكىن «تۋعان كۇن ءسامميتىن» الدىن الا تالقىلاۋ باستالدى, دەپ حابارلايدى Egemen.kz Investing اقپاراتتىق اگەنتتىگىنە سىلتەمە جاساپ.
ۋاقىت كەزدەيسوق تاڭدالعان جوق, ويتكەنى ەكى باسشىنىڭ دا تۋعان كۇنى ماۋسىم ايىندا بولادى. سي تسزينپين 1953 جىلى 15 ماۋسىمدا, ال دونالد ترامپ 1946 جىلعى 14 ماۋسىمدا دۇنيەگە كەلگەن.
جيىندا ەكونوميكالىق قىسىمنىڭ كۇشەيۋىنە بايلانىستى تاريفتەردىڭ ودان ءارى كوتەرىلۋىنە جول بەرمەۋ نەمەسە كەم دەگەندە باجدى ارتتىرۋدى كەشىكتىرۋ ءۇشىن كەلىسسوز جۇرگىزۋ ماسەلەسى تالقىلاندى.
ەستەرىڭىزگە سالا كەتەيىك, بۇعان دەيىن دونالد ترامپ قىتاي تاۋارلارىنا باج سالىعىن 20 پايىزعا دەيىن كوتەرگەن ەدى.