قازاقستاندىق گيمناست زەينوللا ىدىرىسوۆ باكۋدە ء(ازىربايجان) ءوتىپ جاتقان الەم كۋبوگىنىڭ كەزەڭىندە قولا جۇلدەگەر اتاندى, دەپ حابارلايدى Egemen.kz اقپارات اگەنتتىگى.
ول ات سناريادىنداعى جاتتىعۋلار فينالىندا ءساتتى ونەر كورسەتىپ, تورەشىلەردىڭ شەشىمى بويىنشا 14,400 ۇپاي جينادى.
جەڭىستى امەريكالىق برەندون دەنگ (14,633) يەلەندى. ەكىنشى ورىندى پاتريك حۋپس (اقش) – 14,533 ۇپايمەن الدى.
ايتا كەتەيىك, قازاقستان قۇراماسىنىڭ ەنشىسىندە قازىر ءۇش مەدال بار. بۇعان دەيىن ميلاد كاريمي (ەركىن جاتتىعۋ) مەن دميتري پاتانين (قوسسىرىقتاعى جاتتىعۋ) كۇمىس جۇلدەگە قول جەتكىزگەن ەدى.