ىشكى ىستەر مينيسترلىگى الماتى اۋەجايىندا بولعان وقيعاعا قاتىستى پىكىر ءبىلدىردى, دەپ حابارلايدى Egemen.kz اقپارات اگەنتتىگى.
قولىنا پىشاق ۇستاعان ەر ادام اۋەجاي قىزمەتكەرىن كەپىلگە الىپ, ريۋكزاگىندا "بومبا" بار دەپ جولاۋشىلاردى قورقىتقان. اتالعان فاكت بويىنشا ءۇش قىلمىستىق ءىس قوزعالدى: كەپىلگە الۋ (قر قك-ءنىڭ 261-بابى 2-بولىگى 4-تارماعى) - مۇلكى تاركىلەنىپ, 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن.
قارۋ قولدانۋ ارقىلى جاسالعان بۇزاقىلىق (قر قك-ءنىڭ 293-بابى 3-بولىگى) - 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.
تەرروريزم اكتىسى تۋرالى كورىنەۋ جالعان حابارلاۋ (قر قك-ءنىڭ 273-بابى) - 5 000 اەك مولشەرىندە ايىپپۇل نەمەسە 5 جىلعا دەيىن باس بوستاندىعىنان ايىرۋ. ۆەدومستۆودا حابارلاعانداي, وقيعانىڭ ءمان-جايىن تەكسەرۋ ءۇشىن جەدەل-تەرگەۋ توبى قۇرىلدى. زارداپ شەككەندەر جوق. سوت شەشىمىمەن كۇدىكتىگە قاتىستى ەكى ايعا قاماۋدا ۇستاۋ تۋرالى بۇلتارتپاۋ شاراسى سانكتسيالاندى.
سونىمەن قاتار ىشكى ىستەر ءمينيسترى ەرجان سادەنوۆتىڭ تاپسىرماسىمەن ەلدەگى اۋەجايلار مەن ۆوكزالدارداعى قاۋىپسىزدىك جۇيەسى تەكسەرىلۋدە. نەگىزگى نازاردا: وسال تۇستاردى انىقتاۋ; قاۋىپتىڭ الدىن الۋ; باقىلاۋدى كۇشەيتۋ; ارەكەت ەتۋ الگوريتمىن جەتىلدىرۋ; كۇزەت قىزمەتكەرلەرىن وقىتۋ; قۇقىق قورعاۋ ورگاندارىمەن ءوزارا ءىس-قيمىلدى نىعايتۋ. ءىىم جاعداي تولىق باقىلاۋدا ەكەنىن, بولاشاقتا مۇنداي وقيعالاردىڭ الدىن الۋ ءۇشىن بارلىق قاجەتتى شارالار قابىلداناتىنىن اتاپ ءوتتى.