كۇن ءتارتىبى ناقتىلاندى

دەپۋتاتتارعا پرەمەر-ءمي­نيستردىڭ ورىنباسارى ەرمەك كوشەر­باەۆتىڭ ءماجىلىس دەپۋ­تات­­­تارى­نىڭ وڭىرلەرگە ساپارى بار­ىسىندا ازاماتتاردان تۇس­كەن وتىنىشتەردى مەملەكەت­تىك ور­گانداردىڭ قاراۋ ناتيجە­لەرى تۋرالى اقپاراتىن تىڭداۋ ۇسىنىلادى.

سونىمەن قاتار ءبىرىنشى وقىلىم­دا پالاتا تۇرعىن ءۇي-كوم­­­­مۋنال­دىق شارۋاشىلىق ماسە­لەلەرى بويىنشا زاڭنامالىق تۇزەتۋ­لەردى, ولارمەن بايلانىستى سالىق كودەكسى مەن اكىمشى­لىك قۇ­قىق بۇزۋشىلىق تۋرالى كودەكسكە ەنگىزىلەتىن وزگەرىستەردى تالقىلايدى.

پارلامەنت دەپۋتاتتارى ۇسىن­عان زاڭ جوبالارى پاتەر يەلەرى كو­و­پەراتيۆتەرىنىڭ باسقارۋ سۋبەك­تىسى رەتىندەگى قىزمەتىن رەتتەۋگە, باسقارۋ مەن كوندومينيۋم نىسانىنىڭ ور­تاق مۇلكىن كۇتىپ-ۇستاۋ فۋنكتسيا­لارىن بىرىكتىرۋگە باعىتتالعان. سون­داي-اق تۇرعىن ءۇي ينسپەكتسياسىنىڭ وكىلەتتىكتەرى مەن فۋنكتسيالارىن كەڭەيتۋ, كوندومينيۋم نىساندارىن باس­قارۋ سۋبەكتىلەرىنىڭ قىزمەتىنە تسيفرلاندىرۋدى ەنگىزۋ, كوپپاتەرلى تۇرعىن ءۇيدى باسقارۋدىڭ قارا­پايىم سەرىكتەستىك ءتۇرىن الىپ تاس­تاۋ كوزدەلگەن.

ىلەسپە زاڭ جوبالارى م ۇلىك وبەكتىلەرىن باسقارۋ سۋبەك­تىلەرى­نىڭ سالىق سالۋ ءتارتىبىن اي­قىنداۋدى, سونداي-اق ءوز مىندەت­تەرىن تيىسىن­شە ورىنداماعان جاع­دايدا م ۇلىك وبەكتىلەرىن باس­قارۋ فۋنكتسيا­لارىن جۇزەگە اسى­راتىن زاڭدى تۇلعالار مەن قۇرى­لىس سالۋشىلاردىڭ اكىم­شىلىك جاۋاپكەرشىلىگىن كۇشەيتۋدى قاراستىرادى.

بۇعان قوسا ەكىنشى وقىلىمدا «اكۆاوسىرۋ تۋرالى» زاڭ جوباسى ىلەسپە تۇزەتۋلەرىمەن قاراستى­رىلادى.

سونداي-اق ماجىلىسكە مىن­دەتتى الەۋمەتتىك مەديتسين­ا­لىق ساقتاندىرۋ ماسەلەلەرى جانە ەۋرازيالىق ەكونو­ميكالىق وداق اياسىنداعى بىرقاتار حالىقارالىق كەلىسىمدى راتيفيكاتسيالاۋ تۋرالى جاڭا زاڭ جوبالارىن جۇمىسقا الادى.