ەلوردادا «استانا – ەسىرتكىسىز قالا» اكتسياسى اياسىندا 16 جاسقا دەيىنگى بالالار اراسىندا جاپپاي جۇگىرۋ ءوتتى. بوتانيكالىق باقتا وتكەن جارىسقا 16 جاسقا دەيىنگى 300-گە جۋىق بالا قاتىستى. ولار 1300 مەتردەن استام قاشىقتىقتى ءجۇرىپ ءوتتى, دەپ حابارلايدى Egemen.kz.
جارىس ناشاقورلىقپەن كۇرەسۋدىڭ كەشەندى جوسپارى اياسىندا ءوتتى.
ء«بىز وسكەلەڭ ۇرپاقتى سپورت مادەنيەتىنە باۋلۋ, سالاۋاتتى ءومىر سالتىن قالىپتاستىرۋ ماقساتىندا وسىنداي شارالاردى وتكىزىپ كەلەمىز. بالالارعا جاقسى ۇلگى كورسەتۋگە جانە ولارعا ماڭىزدى ءىس-شارا ۇيىمداستىرۋعا تىرىسامىز. جىل باسىنان بەرى ءبىز وسىنداي 80-گە جۋىق پروفيلاكتيكالىق ءىس-شارا جۇرگىزدىك جانە بۇل باعىتتاعى جۇمىستاردى جالعاستىرۋدى جوسپارلاپ وتىرمىز», دەدى قالالىق پوليتسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىنىڭ وكىلى ءاليا قيباتقىزى.
ءىس-شارا سوڭىندا بارلىق قاتىسۋشىلارعا ەستەلىك مەدالدار تابىس ەتىلدى.