پاۆلوداردا ءىرى قارجى پيراميداسىن ۇيىمداستىرعاندار ۇستالدى

قارجىلىق مونيتورينگ اگەنتتىگىنىڭ مالىمەتىنشە, الاياقتار 2024 جىلدىڭ ناۋرىز-قىركۇيەك ايلارى ارالىعىندا ءوز سحەماسىن ىسكە اسىرىپ, ازاماتتاردى اقش-تاعى جارنامالىق قوسىمشالار پلاتفورماسىنا ينۆەستيتسيا سالۋعا شاقىرعان.

كۇدىكتىلەر ازاماتتاردى ەلەكتروندى كريپتو بيرجا «وكح» ارقىلى كريپتوۆاليۋتا ساتىپ الۋعا كوندىرگەن. نەگىزگى شارتتارىنىڭ ءبىرى – كەمىندە 5 جاڭا سالىمشىنى تارتۋ بولعان. قاتىسۋشىلار 30-دان 500 اقش دوللارىنا دەيىن قارجى قۇيىپ, ءوز سالىمدارىنا 2 مىڭ اقش دوللارىنا دەيىن بونۋس الادى دەپ سەنگەن.

الايدا, بۇل قارجى پيراميداسىنىڭ جالعان جۇيە ەكەنى انىقتالعان. جۇرتشىلىقتان جينالعان قارجى ۇيىمداستىرۋشىلاردىڭ جەكە ماقساتتارىنا جۇمسالعان.

«الاياقتار جينالعان اقشانى جىلجىمايتىن م ۇلىك پەن بانكتىك دەپوزيتتەرگە اۋدارىپ پاۆلوداردان 10 ملن تەڭگەگە پاتەر ساتىپ العان. 8 ملن تەڭگەگە 4 دەپوزيت اشقان.قازىرگى تاڭدا سوت سانكتسياسىمەن كۇدىكتىلەردىڭ جىلجىمايتىن م ۇلىگىنە جانە بانك ەسەپشوتتارىنداعى قاراجاتىنا تىيىم سالىندى», دەلىنگەن حابارلامادا. 

ۇيىمداستىرۋشىلاردىڭ ارەكەتى اشكەرەلەنىپ, ولارعا قاتىستى ء«ۇي قاماق» جانە «ەلدەن كەتپەۋ تۋرالى قولحات» تۇرىندە شەكتەۋ شارالارى قابىلدانعان. تەرگەۋ جۇمىستارى جالعاسىپ جاتىر.