بىلتىر قاڭتار-جەلتوقسان ارالىعىندا قازاقستان جالپى سوماسى 93,5 ملن اقش دوللارىنا 12,3 مىڭ توننا گۇل مەن گۇل تۇينەگىن يمپورتتاعان, دەپ حابارلايدى Egemen.kz.
ۇلتتىق ستاتيستيكا بيۋروسىنىڭ دەرەگىنشە, 2023 جىلى 8,2 مىڭ توننا يمپورتتالعان گۇلدىڭ سوماسى 61,2 ملن دوللاردى قۇراعان.
بىلتىر ەلىمىزگە گۇلدەر الەمنىڭ 53 ەلىنەن جەتكىزىلگەن. بۇل قاتاردا ەۋروپا, وڭتۇستىك امەريكا جانە افريكا ەلدەرى بار.
مەملەكەتتەر اراسىنداعى جەكە ۇلەس مىناداي: ەكۆادوردان - 6,4 مىڭ توننا, نيدەرلاندتان - 2,3 مىڭ توننا, قىتايدان - 1,1 مىڭ توننا, كولۋمبيادان - 978 توننا جانە كەنيادان - 975 توننا گۇل جەتكىزىلگەن.
بۇل كەزەڭدە قازاقستان تمد ەلدەرىنە گۇل شوقتارىن جاساۋعا ارنالعان 1,5 مىڭ توننا گۇل مەن گۇل تۇينەگىن ەكسپورتتاعان.