25-30 ناۋرىزدا اقش-تىڭ بوستون قالاسىندا مانەرلەپ سىرعاناۋدان الەم چەمپيوناتىنىڭ جالاۋى جەلبىرەيدى, دەپ حابارلايدى Egemen.kz.
بايراقتى باسەكەدە قازاقستاننىڭ نامىسىن ميحايل شايدوروۆ پەن سوفيا سامودەلكينا قورعايدى. 20 جاستاعى الماتىلىق شايدوروۆتىڭ جاستار اراسىنداعى الەم چەمپيوناتىنىڭ كۇمىس, ازيا ويىندارىنىڭ قولا جۇلدەگەرى جانە ء«تورت قۇرلىق بىرىنشىلىگىنىڭ» جەڭىمپازى دەگەن اتاعى بار. 18 جاسار ماسكەۋدىڭ تۋماسى سامودەلكينا بيىل دۇنيەجۇزىلىك ستۋدەنتتەر ويىنىندا قولا مەدالدى يەلەندى.