سىرتقى ىستەر مينيسترلىگىنىڭ الماتى قالاسىنداعى وكىلدىگى جانە بۇۇ-نىڭ قازاقستانداعى تۇراقتى وكىلدىگى «UN Plaza» عيماراتىندا «بەيبىتشىلىك پەن دامۋ جولىنداعى ىنتىماقتاستىق: قازاقستاننىڭ بۇۇ-عا مۇشە بولعانىنا 33 جىل» اتتى بۇۇ-نىڭ 80 جىلدىعىنا ارنالعان عىلىمي-پراكتيكالىق كونفەرەنتسيا وتكىزدى.
ءىس-شاراعا ديپلوماتيالىق كورپۋستىڭ وكىلدەرى, بۇۇ اگەنتتىكتەرىنىڭ باسشىلارى, عىلىمي ورتا وكىلدەرى جانە حالىقارالىق قاتىناستار فاكۋلتەتتەرىنىڭ ستۋدەنتتەرى قاتىستى.
ءوز سوزىندە ج.ءابدراشوۆ قاتىسۋشىلاردى قازاقستان رەسپۋبليكاسىنىڭ بۇۇ-عا مۇشە بولعانىنا 33 جىل تولۋىمەن قۇتتىقتادى. بيىل بۇل داتا بۇۇ-نىڭ 80 جىلدىعىمەن تۇسپا-تۇس كەلىپ وتىر. سونداي-اق ۇيىمنىڭ حالىقارالىق قوعامداستىقپەن جەمىستى ىنتىماقتاستىعى اياسىندا كۇردەلى جاھاندىق سىن-قاتەرلەردى شەشۋدەگى جەتىستىكتەرىن اتاپ ءوتىپ, قازاقستاننىڭ وسى جىلدار ىشىندە جۇزەگە اسىرعان سىرتقى ساياسي باستامالارىنا نازار اۋداردى.
كونفەرەنتسيا بارىسىندا قاتىسۋشىلار بۇۇ-نىڭ حالىقارالىق بەيبىتشىلىك پەن قاۋىپسىزدىكتى قامتاماسىز ەتۋدەگى, ادام قۇقىقتارى مەن تۇراقتى دامۋدى ىلگەرىلەتۋدەگى ءرولىن اتاپ ءوتتى.