«سايرام-وگەم» مەملەكەتتىك ۇلتتىق تابيعي پاركىنىڭ اۋماعىندا ورناتىلعان فوتوتۇزاقتارعا سيرەك كەزدەسەتىن جابايى جانۋارلار – تۇركىستان سىلەۋسىنى, ءۇندى جايراسى, قاسقىر جانە ءسىبىر ەلىگى ءتۇسىپ قالعان, دەپ حابارلايدى Egemen.kz.
ۇلتتىق پارك قىزمەتكەرلەرىنىڭ ايتۋىنشا, فوتوتۇزاقتار – جانۋارلاردى بەينەجازباعا ءتۇسىرىپ قانا قويماي, ولاردىڭ قاۋىپسىزدىگىن قامتاماسىز ەتۋگە دە سەپتىگىن تيگىزەدى. قىس مەزگىلىندە بيوتەحنيكالىق ءىس-شارالار كۇشەيتىلىپ, جابايى اڭدارعا جەم-ءشوپ قورى دايىندالدى. ايتا كەتسەك, «سايرام-وگەم» مۇتپ اۋماعىندا بارلىق اڭشىلىق تۇرىنە قاتاڭ تىيىم سالىنعان. جانۋارلار پوپۋلياتسياسىن ساقتاۋ ماقساتىندا تۇراقتى تۇردە تابيعاتتى قورعاۋ شارالارى جۇرگىزىلىپ كەلەدى.