سەنات سپيكەرى ماۋلەن اشىمباەۆتىڭ توراعالىعىمەن بيۋرو ءوتتى. وندا دەپۋتاتتار 6 ناۋرىزدا وتەتىن پالاتا وتىرىسىنىڭ كۇن ءتارتىبىن بەكىتتى.
ءىس-شارا بارىسىندا بيۋرو مۇشەلەرى پالاتانىڭ الداعى وتىرىسىندا «قازاقستان رەسپۋبليكاسى مەن قاتار مەملەكەتى اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى كەلىسىمدى راتيفيكاتسيالاۋ تۋرالى» زاڭدى قاراۋ تۋرالى شەشىم قابىلدادى. كەلىسىم ايىپتالۋشىنىڭ كىناسىن دالەلدەۋگە باعىتتالعان پروتسەسسۋالدىق ارەكەتتەر جۇرگىزۋدى كوزدەيدى.
زاڭنىڭ ماقساتى – قىلمىستىق قۇقىق بۇزۋشىلىق جاساعان ادامداردى ەكستراديتسيالاۋعا قۇقىقتىق نەگىز قالىپتاستىرۋ, سونداي-اق قىلمىسقا قارسى كۇرەستە حالىقارالىق ىنتىماقتاستىقتى نىعايتۋ.
سونداي-اق سەناتورلار «قازاقستان رەسپۋبليكاسى مەن قاتار مەملەكەتى اراسىنداعى ۇستاپ بەرۋ تۋرالى كەلىسىمدى راتيفيكاتسيالاۋ تۋرالى» زاڭدى قارايدى. بۇل قۇجات قىلمىس جاساعان ادامداردى بەرۋ تەتىكتەرىن قالىپتاستىرۋعا, قىلمىسقا قارسى كۇرەستە حالىقارالىق ىنتىماقتاستىقتى كۇشەيتۋگە باعىتتالعان. كەلىسىم نورمالارى ەكستراديتسيالاۋ جانە ودان باس تارتۋ نەگىزدەرىن, بەرۋ شارتتارى مەن راسىمدەرىن جانە ەكستراديتسيالاۋدى كەيىنگە قالدىرۋ نەمەسە بەلگىلى ءبىر مەرزىمگە بەرۋ ماسەلەلەرىن دە ايقىندايدى.
سونىمەن قاتار بيۋرودا دەپۋتاتتار كوميتەتتەردىڭ الداعى وتىرىستارىندا قارالاتىن ماسەلەلەردى پىسىقتاپ, ماجىلىستەن كەلىپ تۇسكەن زاڭداردى ءبولدى.