ورال. 19 ماۋسىم. باتىس قازاقستان وبلىسىنىڭ ورتالىعى – ورال قالاسىندا ساتۋشىنى ويىنشىق تاپانشامەن قورقىتىپ, دۇكەن توناعان 40 جاستاعى ەر ادام قولعا ءتۇستى. بۇل تۋرالى باتىس قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وقيعا 12 ماۋسىمدا بولعان. ءتارتىپ ساقشىلارىنا ساعات 22:00 شاماسىندا يحسانوۆ كوشەسىندەگى «ايناگۇل» دۇكەنىنە قاراقشىلىق شابۋىل جاسالعاندىعى تۋرالى حابار كەلىپ تۇسەدى. دۇكەندەگى ايەلدىڭ ايتۋىنشا, ەر ادام تاپانشاعا ۇقساس زاتپەن قورقىتىپ, كاسسادان 30 مىڭ تەڭگەنى الىپ كەتكەن.
جابىرلەنۋشى كۇدىكتىنىڭ ەرەكشە بەلگىلەرى مەن ۇستىندەگى كيىمىن ناقتى ايتىپ بەردى. سونىڭ ناتيجەسىندە وقيعادان كەيىن 5 كۇن وتكەندە پوليتسەيلەر كۇدىكتىنى قولعا ءتۇسىردى. تەرگەۋ كەزىندە ونىڭ توناۋعا ويىنشىق تاپانشامەن بارعانى انىقتالدى.
تەمىر قۇسايىن.
دەرەك: egemen.kz.
سۋرەت: tsn.ua.