ەرىكتىلەر ءبىر توپ بۇزاقىلاردىڭ اياۋسىز سوققىسىنىڭ قۇربانى بولعان سەمەيلىك 11 جاستاعى ءالينۇردىڭ ءتورت بولمەلى پاتەر العانىن حابارلادى, دەپ جازادى Egemen.kz.
ەرىكتى دينارا سادىرباەۆانىڭ ايتۋىنشا, سوڭعى بىرنەشە كۇندە قازاقستاندىقتار ءالينۇر ءۇشىن رەكوردتىق 35 ميلليون تەڭگە جيناعان.
ولار وعان ءتورت بولمەلى پاتەر ساتىپ الدى.
ەسكە سالا كەتەيىك, 24 اقپاندا الەۋمەتتىك جەلىدە سەمەيلىك جاسوسپىرىمدەر التىنشى سىنىپ وقۋشىسىن اياۋسىز سوققىعا جىققان ۆيدەو تاراعان بولاتىن.
بۇل بالانىڭ وقيعاسى بۇكىل قازاقستاندى ءدۇر سىلكىندىردى. اياۋسىز سوققىدان كەيىن وعان باس-مي جاراقاتى جانە گەماتومالار دياگنوزى قويىلدى. شابۋىل جاساعاندار ارنايى مەكتەپكە جىبەرىلىپ, ولاردىڭ اتا-انالارى جاۋاپقا تارتىلدى. مەكتەپ ديرەكتورى قىزمەتىنەن بوساتىلدى.