پايدالى ارىپتەستىك

ۆيتسە-پرەمەر ءالي دجاۆاد ءال-ەيدتى 2025 جىلعى 28 قاڭتار­دا حۆق ميسسياسى­نىڭ باس­شىسى لاۋازىمىنا تاعايىن­دالۋىمەن قۇتتىقتاپ, قازاق­ستان حۆق-نىڭ ساراپتا­مالىق قورىتىندىسى مەن ۇسىنىمدارىن ءاردايىم جو­عارى باعالايتىنىن, بۇل ەلى­مىز­دىڭ ەكونوميكالىق سايا­سا­تىن قالىپتاستىرۋ مەن ماڭىز­­دى ستراتەگيالىق شەشىمدەر قا­بىل­داۋ ءۇشىن تاپتىرماس رە­سۋرسقا اينالعانىن اتاپ ءوتتى.

«قازاقستان قورمەن 30 جىل­دان استام ۋاقىت جەمىستى ىنتى­ماقتاستىق ورناتىپ, ايرىقشا قولداۋعا يە بولدى. ءبىزدىڭ حۆق-مەن ۇزاقمەرزىمدى ارىپتەستىگى­مىز ەكونوميكالىق تۇراق­تى­لىق­تى قامتاماسىز ەتىپ, قازاقستان ەكونوميكاسىنىڭ ساپالى ءارى ورنىقتى ءوسۋى ءۇشىن وتە ماڭىزدى», دەدى س.جۇمانعارين.

كەزدەسۋگە قاتىسۋشىلار قۇرىلىمدىق رەفورمالاردى جۇزەگە اسىرۋ, سالىق-بيۋد­جەت سايا­ساتىن جەتىلدىرۋ جانە ۇلتتىق قارجى نارىعىن دامىتۋعا باعىت­تالعان جو­بالاردىڭ وڭ ناتي­جەلەرىن اتاپ ءوتتى. بۇل جوبالاردى ىسكە اسىرۋ بارىسىندا حۆق-نىڭ تاجىريبەسى مەن ۇسىنىم­دارى ەسكەرىلگەنى ايتىلدى. سونداي-اق 2021 جىلدان بەرى الماتى­دا جۇمىس ىستەپ كەلە جاتقان حۆق-نىڭ كاۆكاز, ورتا­لىق ازيا جانە موڭعوليا الەۋەتىن دامىتۋ جونىندەگى وڭىرلىك ورتالىعى­نىڭ وڭىرلىك ىنتىماقتاستىقتى نىعايتۋعا قوسقان ەلەۋلى ۇلەسى ەرەكشە اتالىپپ ءوتتى.

سونىمەن قاتار ۆيتسە-پرەمەر مەن ميسسيا باسشىسى مەملەكەتتىڭ ەكونوميكا­لىق ناقتى سەكتورىن قارجى­لان­دىرۋ, بيۋدجەت-سا­لىق رەفورما­سىن ىسكە اسىرۋ جونىندەگى جوسپارلارىن, سونداي-اق ءوزارا ءىس-قيمىل­دىڭ باسقا دا اسپەكتىلەرىن تالقىلادى.