جاڭا ءمينيستردى تانىستىردى

ولجاس بەكتەنوۆ قانات شارلاپاەۆقا سالالاردى, اسىرەسە وڭدەۋ ونەركاسى­بىن دامىتۋعا قوسقان ۇلەسى ءۇشىن العىسىن ءبىلدىردى. وتاندىق وندىرۋشىلەردى قولداۋ شارالارىن كەڭەي­تۋ, زاڭنامانى جەتىلدىرۋ بو­يىنشا اۋقىمدى جۇمىس­تار جۇرگىزىلدى. وتكەن جىلى وڭدەۋ ونەركاسىبىنىڭ كولە­مى سوڭعى 10 جىلداعى ەڭ سەرپىندى وسىمگە قول جەتكىزىپ, 5,9%-عا ءوستى.

جاڭا مينيستر – ەرسايىن ناعاسپاەۆتى تانىس­تىرۋ بارىسىندا پرەمەر-مي­نيستر قول جەتكىزىل­­گەن ناتي­جەلەردى بەكىتۋ جانە وڭدەۋ ونەركاسىبىنىڭ ودان ءارى ءوسۋىن قامتاماسىز ەتۋ بو­يىن­شا مەملەكەت باسشىسى العا قويعان مىندەتتەردى اتاپ ءوتتى.

يمپورتتى الماستىرۋدى قامتاماسىز ەتۋ جانە ەكسپورتتى كەڭەيتۋ ءۇشىن قوسىلعان قۇنى جوعارى ءونىم شىعارۋدى جانداندىرۋ جونىندە بىرقا­تار تاپسىرما بەرىلدى. ينۆەس­تورلارمەن جانە بيزنەس وكىلدەرىمەن تىعىز قارىم-قاتىناسقا باسا نازار اۋدارىلادى.

ونەركاسىپ جانە قۇرى­لىس مينيسترلىگى ۇجىمى­نا پرەزيدەنتتىڭ قۇرى­لىس سالاسىن دامىتۋ جانە تۇر­عىن ءۇي-كوممۋنال­دىق ينفراقۇرىلىمدى جاڭ­عىرتۋ جونىندەگى تاپسىرمالارىن ورىنداۋ بويىنشا مىندەتتەر بەلگىلەندى.