الماتى. 19 ماۋسىم. اقش پوليتسياسى چارلستون (وڭتۇستىك كارولينا شتاتى) قالاسىنداعى شىركەۋدە 9 ادامدى اتىپ ولتىرگەن 21 جاسار كۇدىكتىنى تۇتقىندادى. ديلانن رۋف اتىس بولعان جەردەن ءتورت ساعاتتىق جەردە شەلبي (سولتۇستىك كارولينا) قالاسىنا تاياۋ جەردە ۇستالدى. بۇل تۋرالى ۆۆس حابارلادى.
پوليتسياعا جەرگىلىكتى تۇرعىنداردىڭ ءبىرى تەلەفون سوعىپ, كۇدىكتى تۋرالى مالىمەت بەرگەن. چارلستون پوليتسياسىنىڭ شەفى گرەگوري ماللەن تۇتقىنداۋ كەزىندە قاشقىننىڭ ەشقانداي قارسىلىق كورسەتپەگەنىن ايتتى.
جانتۇرشىگەرلىك وقيعا بولاردىڭ الدىندا رۋفتىڭ شىركەۋگە كىرىپ, مىناجەت ەتۋشىلەر اراسىندا ءبىر ساعاتتاي دۇعا تىڭداپ وتىرعان. ول سودان كەيىن بارىپ, توسىننان وڭدى-سولدى وق اتا باستاپتى. قايتىس بولعانداردىڭ اراسىندا 6 ايەل, ءۇش ەر ازامات – ىشىندە شىركەۋدىڭ پاستورى بار. ءۇش ادام جەڭىل جاراقاتپەن اۋرۋحانا ءتۇستى.
كۇدىكتىنىڭ ناعاشىسى كارسون كوۋلز جيەنىديلانن رۋفقا پيستولەت تۋعان كۇنىنە سىيعا تارتىلعان دەگەن مالىمەت بەردى. سونداي-اق رۋفتىڭ بۇعان دەيىن ەسىرتكىگە قاتىستى ەكى رەت قامالعانى بەلگىلى بولدى.
توسىن وقيعادان سوڭ الەم جۇرتشىلىعىنىڭ نازارىنا ىلىككەن چارلستونداعى قارا ناسىلدىلەر ءمىناجات ەتەتىن بۇل شىركەۋ تاياۋدا عانا ءوزىنىڭ 150 جىلدىق مەرەكەسىن اتاپ وتكەن ەدى.
تالعات ءسۇيىنباي.
دەرەك, سۋرەت: ۆۆس.