الماتىدا عىلىم سالاسىنداعى سىيلىقتار مەن مەملەكەتتىك عىلىمي ستيپەنديالاردىڭ بىلتىرعى جىلعى لاۋرەاتتارى ماراپاتتالدى.ء ىس-شاراعا عىلىم جانە جوعارى ءبىلىم ءمينيسترى ساياسات نۇربەك, پرەزيدەنت جانىنداعى ۇعا پرەزيدەنتى اقىلبەك كۇرىشباەۆ, عزي جانە جوعارى وقۋ ورىندارى باسشىلارى, زيالى قاۋىم وكىلدەرى, عالىمدار مەن وقىتۋشىلار قاتىستى.
عىلىم جانە جوعارى ءبىلىم ءمينيسترى ساياسات نۇربەك ءوز سوزىندە مەملەكەت باسشىسىنىڭ عالىمداردىڭ الەۋمەتتىك مارتەبەسىن كوتەرۋ جانە قولداۋ كورسەتۋ, سونداي-اق عىلىمعا جاس كادرلاردىڭ كەلۋىن ىنتالاندىرۋ ساياساتىنىڭ ارقاسىندا وڭ وزگەرىستەر ورىن العانىن اتاپ ءوتتى. مەملەكەت باسشىسىنىڭ تاپسىرماسىن ىسكە اسىرۋ ماقساتىندا 2024-2026 جىلدارعا ارنالعان قولدانبالى عىلىمدى مەملەكەتتىك قارجىلاندىرۋ كولەمى ۇلعايتىلعانىن, جاس عالىمداردى قولداۋ شارالارى كۇشەيتىلگەنىن, عىلىمدى دامىتۋ جانە تەحنولوگيالىق ساياساتتى ىسكە اسىرۋعا باعىتتالعان «عىلىم جانە تەحنولوگيالىق ساياسات تۋرالى» زاڭ قابىلدانىپ, عىلىمي ۇيىم قىزمەتكەرلەرىنىڭ لاۋازىمدىق جالاقىلارى ارتقانىن, ۇلتتىق عىلىم اكادەمياسىنىڭ ينستيتۋتسيونالدىق ءرولى نىعايعانىن ەرەكشە اتاپ ءوتتى.
ۇعا پرەزيدەنتى اقىلبەك كۇرىشباەۆ قۇتتىقتاۋ سوزىندە مەملەكەت باسشىسىنىڭ قولداۋىنىڭ ارقاسىندا سوڭعى جىلدارى وتاندىق عىلىمدى دامىتۋعا كوپ كوڭىل ءبولىنىپ, قارجىلاندىرۋ كولەمىنىڭ 3 ەسەگە ۇلعايعانىن اتاپ ءوتتى. زاڭنامالىق بازا جاڭارتىلىپ, ءتۇرلى عىلىمي-تەحنيكالىق ءىس-شارالار مەن عىلىمي كونكۋرستار وتكىزۋ ارقىلى عىلىمدى دارىپتەۋ بويىنشا جۇمىستارى جاندانا ءتۇستى. العاش رەت مەملەكەتتىك دەڭگەيدە جاس عالىمداردىڭ باسپانا جاعدايى قولداۋ تاپتى. بىلتىر ۇعا تاراپىنان جۇرگىزىلگەن الەۋمەتتىك ساۋالنامانىڭ قورىتىندىسىندا رەسپوندەنتتەرىنىڭ 60 پايىزى جاس عالىمداردى قولداۋدىڭ سوڭعى 5 جىلدا ەداۋىر جاقسارعانىن اتاپ وتكەن.
بىلتىر العاش رەت پرەزيدەنت جانىنداعى ۇعا, عىلىم جانە جوعارى ءبىلىم مينيسترلىگى عىلىم كوميتەتىنىڭ, Astana Hub جانە تسيفرلىق ۇكىمەتتى قولداۋ ورتالىعىنىڭ قولداۋىمەن كونكۋرس تسيفرلىق تەحنولوگيالاردى پايدالانا وتىرىپ, جاڭارتىلعان فورماتتا ءوتتى. سىيلىق الۋعا وسى جۇيە ارقىلى بارلىعى 169 ءوتىنىم جانە ستيپەنديالار بويىنشا 1232 ءوتىنىم كەلىپ تۇسكەن. بارلىق باعىتتار بويىنشا باسەكەلەستىك دەڭگەيى وتە جوعارى بولىپ, 1 سىيلىققا 37 ۇمىتكەردەن كەلدى.
ناتيجەسىندە عىلىمنىڭ دامۋىنا قوسقان ۇلەسى ءۇشىن 6 سىيلىق جانە 75 ستيپەنديا تاعايىندالدى. ونىڭ ىشىندە عىلىمي ماسەلەلەردى شەشۋ بويىنشا زەرتتەۋلەر جۇرگىزۋگە بەلسەندى قاتىسقان جانە عىلىمي جۇرتشىلىققا تانىمال 50 دارىندى جاس عالىم بار.
سالتاناتتى شارا اياسىندا مينيستر ساياسات نۇربەك جانە پرەزيدەنت جانىنداعى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ سىيلىقتار مەن ستيپەنديالار لاۋرەاتتارىنا ديپلومدار, توسبەلگىلەر مەن سەرتيفيكاتتار تابىس ەتتى.
گۋمانيتارلىق عىلىمدار سالاسىنداعى «ەۋرازيا ورتالىعىنىڭ ەجەلگى جانە قازىرگى زامانعى حالقىنىڭ گەنەتيكالىق تاريحى: پالەوگەنەتيكا جانە Y-حروموسومانىڭ فيلوگەوگرافياسى تۇرعىسىنان كوزقاراس» تاقىرىبىنداعى 2024 جىلعى ۇزدىك عىلىمي زەرتتەۋى ءۇشىن شوقان ءۋاليحانوۆ اتىنداعى سىيلىقتىڭ لاۋرەاتتارى بولىپ ماقسات جاباعين, جاقسىلىق ءسابيتوۆ اتاندى.
جاراتىلىستانۋ عىلىمدارى سالاسىنداعى «جاسىل ەكونوميكا ءۇشىن ماتەريالدار مەن ەنەرگيا ساقتاۋ جۇيەلەرىنىڭ يننوۆاتسيالىق تەحنولوگيالارىن دامىتۋ» تاقىرىبىنداعى ۇجىمدىق جۇمىسى ءۇشىن قانىش ساتباەۆ اتىنداعى سىيلىقتىڭ لاۋرەاتتارى بولىپ جۇماباي باكەنوۆ, ايشۋاق قوناروۆ, ارايلىم نۇرپەيىسوۆا, ارايلىم احمەتبەكقىزى, ءاليا مۇقانوۆا, نۇرجان ۋميروۆ اتاندى.
پەداگوگيكا سالاسىنداعى «قازاقستانداعى ناقتى عىلىمدار (STEM) سالاسىنداعى ايەلدەر تاجىريبەسىن زەرتتەۋ» تاقىرىبىنداعى ۇزدىك عىلىمي زەرتتەۋ مەن جۇمىسى ءۇشىن ىبىراي التىنسارين اتىنداعى سىيلىققا اينۇر المۇحامبەتوۆا, تۇركولوگيا سالاسىنداعى اسا زور جەتىستىكتەرى جانە «ەسكى قازاق جازبا ەسكەرتكىشتەرىنىڭ تىلىندەگى اراب جانە پارسى سوزدەرى» تاقىرىبىنداعى ۇزدىك عىلىمي جۇمىسى ءۇشىن كۇلتەگىن اتىنداعى سىيلىققا اينۇر سەيتبەكوۆا يە بولدى.
جاراتىلىستانۋ عىلىمدارى سالاسىنداعى «بولاشاقتى قۇرۋ: تۇراقتى جانە يكەمدى سىمسىز جەلىلەردىڭ كەلەشەك بۋىنىنا ارنالعان قايتا-كونفيگۋراتسيالاتىن ينتەللەكتۋالدى بەتتەر» تاقىرىبىنداعى ۇزدىك عىلىمي جۇمىسى ءۇشىن د.ا.قوناەۆ اتىنداعى جاس عالىمدارعا ارنالعان سىيلىقتىڭ لاۋرەاتى بولىپ عالىمجان ناۋرىزباەۆ اتاندى.
گۋمانيتارلىق عىلىمدار سالاسىنداعى «نەگىزگى قۇندىلىقتاردىڭ لينگۆومادەنيەتتانۋلىق جانە ەتنوپسيحولينگۆيستيكالىق زەرتتەۋى» تاقىرىبىنداعى ۇزدىك عىلىمي جۇمىسى ءۇشىن م.و.اۋەزوۆ اتىنداعى جاس عالىمدارعا ارنالعان سىيلىققا گۇلجانا كۇزەمباەۆا يە بولدى.
جەتەكشى عالىمدار مەن جاس عالىمدار بىلتىر مەملەكەتتىك عىلىمي ستيپەنديالار كونكۋرسىنىڭ جەڭىمپازدارى اتانىپ, عىلىم مەن ءبىلىم سالاسىنا قوسقان ۇلەستەرى ءۇشىن جوعارى باعالاندى. ماراپاتتالعان عالىمدار ءوز زەرتتەۋلەرىندە جاڭا باعىتتار اشىپ, ەلىمىزدىڭ عىلىمي الەۋەتىن ارتتىرۋعا زور ۇلەس قوسىپ كەلەدى.
الماتى