بىلتىر جانە بيىل اليمەنت تولەمەۋ فاكتىلەرى بويىنشا وبلىس پروكۋراتۋراسى 37 سوتقا دەيىنگى تەرگەپ تەكسەرۋ جۇمىسىن باستادى. ونىڭ ىشىندە 7 بورىشكەرگە قاتىستى ايىپتاۋ ۇكىمدەرى شىعارىلدى, 10 قىلمىستىق ءىس قارىزدىڭ وتەلۋىنە بايلانىستى توقتاتىلدى, 20 ءىس وندىرىستە, دەپ جازادى Egemen.kz وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
بيىل بۇل باعىتتاعى جۇمىس جالعاسۋدا, قازىردىڭ وزىندە 3 قىلمىستىق ءىس تىركەلدى.
مىسالى, بورىشكەرلەردىڭ ءبىرى اليمەنت بويىنشا 2,5 ملن تەڭگەدەن استام قارىزى بولا تۇرا, ەكى جىل بويى تولەۋدەن جالتارعان.
«پروكۋراتۋرانىڭ ۇيلەستىرۋىمەن سوتقا دەيىنگى تەرگەپ تەكسەرۋ جۇمىسى ءبىر اي ىشىندە اياقتالىپ, ءىستى ءمانى بويىنشا قاراۋ ءۇشىن سوتقا جىبەرىلدى. سوت ۇكىمىمەن بورىشكەرگە 1 جىل مەرزىمگە باس بوستاندىعىنان شەكتەۋ جازاسى تاعايىندالىپ, پروباتسيالىق باقىلاۋ بەلگىلەندى. قازىرگى تاڭدا 2,5 ملن تەڭگە قارىزدىڭ 1 ملن تەڭگەسى وتەلدى. بالالاردىڭ قۇقىقتارىن قورعاۋ بويىنشا جۇمىس جالعاسۋدا», دەلىنگەن پروكۋراتۋرا حابارلاماسىندا.