ترەكتەگى پارا ۆەلوسپورتتان ەرلەر اراسىنداعى تاندەمدە سۇلتانمۇرات مەراليەۆ (پيلوت) پەن كەنجەعۇل سەيتجان (ستوكەر) قاشىقتىقتى 11.749 ۋاقىتتا باعىندىرىپ, قولا جۇلدە جەڭىپ الدى, دەپ حابارلايدى Egemen.kz.
بۇل – ازيا جارىسىنداعى پارا ۆەلوسپورتشىلاردىڭ قورجىنعا قوسقان 4-ءشى مەدالى.
بۇعان دەيىن ترەكتەگى پارا ۆەلوسپورتتان كيريلل يليۋكەۆيچ (ستوكەر) پەن انتون لاۆرەنتەۆ (پيلوت) 4 كم قاشىقتىقتى 4:36.708 ۋاقىتتا ءوتىپ, التىن مەدال جەڭىپ العان.
ايەلدەر اراسىندا تاندەمدەگى جارىستا جۇلدىز كايناروۆا (ستوكەر) مەن پولينا براتچيكوۆا (پيلوت) قاشىقتىقتى 3:55.816 ۋاقىت ناتيجەسىمەن ءوتىپ, كۇمىس مەدال يەلەنگەن.
سونداي-اق, جارىستىڭ العاشقى كۇنى ەل سپورتشىلارى كوماندالىق سپرينتتە قولا جۇلدە ەنشىلەگەن بولاتىن.
ايتا كەتسەك, 16 ەلدەن 250-دەن استام سپورتشى قاتىسىپ جاتقان پارا ۆەلوسپورتتان ترەكتەگى ازيا چەمپيوناتى مالايزيادا ءوتىپ جاتىر, 27 اقپاندا اياقتالادى. قازاقستان تاراپىنان 6 سپورتشى باقتارىن سىناۋدا.