شىعىس قازاقستان وبلىسىنىڭ پوليتسيا قىزمەتكەرلەرى جەكە تۇتىنۋ ماقساتىندا ءىرى كولەمدە ەسىرتكى زاتىن دايىنداعان ەر ادامدى ۇستادى, دەپ حابارلايدى Egemen.kz.
جەدەل ءىس-شارالار بارىسىندا ودان 4 كەلىدەن استام كەپتىرىلگەن ماريحۋانا تاركىلەنگەن. تىيىم سالىنعان زاتتى ول ءوز ءۇيىنىڭ اۋماعىندا – شاتىرىندا جانە جازعى اسۇيىندە ساقتاعان.
سوتقا دەيىنگى تەرگەۋ بارىسىندا كۇدىكتى ءوز كىناسىن مويىندادى. قازىرگى ۋاقىتتا ول ۇستالىپ, ۋاقىتشا ۇستاۋ يزولياتورىنا قامالدى.
پوليتسيا ازاماتتاردى سالاۋاتتى ءومىر سالتىن ۇستانۋعا جانە ەسىرتكىدەن باس تارتۋعا شاقىرادى. ارقايسىسىمىز ازاماتتىق بەلسەندىلىك تانىتىپ, وسىنداي فاكتىلەر تۋرالى قۇقىق قورعاۋ ورگاندارىنا حابارلاۋ ارقىلى قوعامدى قاۋىپسىز ەتە الامىز.