«بيىلعى جىلدىڭ 29 مامىرىنان باستاپ «SCAT» اۋەكومپانياسى شىمكەنت – كاير اۋە جولى بويىنشا ەگيپەتكە جاڭا باعىت اشۋدى جوسپارلاپ وتىر, دەپ حابارلايدى Egemen.kz.
«رەيستەر اپتاسىنا 2 رەت (دۇيسەنبى جانە سارسەنبى كۇندەرى) «Boeing 737-800» جانە «Boeing MAX 8» ءتيپتى اۋە كەمەلەرىندە ورىندالادى», دەپ حابارلادى كولىك مينيسترلىگىنىڭ ءباسپاسوز قىزمەتى.
اۋە قاتىناسىنىڭ اشىلۋى ەكى ەل اراسىنداعى ىنتىماقتاستىقتى ودان ءارى دامىتۋعا ىقپال ەتپەك.
ايتا كەتەيىك, كولىك مينيسترلىگى تۇراقتى نەگىزدە ۇشۋ گەوگرافياسىن كەڭەيتۋ جانە قولدانىستاعى مارشرۋتتارداعى رەيستەر سانىن ارتتىرۋ بويىنشا جۇمىس جۇرگىزىپ جاتىر.