ەكى وبلىستا كولىك قوزعالىسىنا شەكتەۋ قويىلدى

شەكتەۋ قوستاناي, اقمولا وبلىسىنداعى بىرنەشە رەسپۋبليكالىق ماڭىزى بار جولعا ساعات 12: 30-دان باستاپ ەنگىزىلدى. 

قوستاناي وبلىسىنداعى «قوستاناي - اۋليەكول - سۇرعان» اۆتوجولىنىڭ 8-232 شاقىرىم ارالىعى, ياعني توبىل قالاسى - اقمولا وبلىسىنىڭ شەكاراسىنا دەيىنگى جول جابىق. 

اقمولا وبلىسىندا «قوستاناي - اۋليەكول - سۇرعان» اۆتوجولىنىڭ 232-260 شاقىرىم ارالىعىندا (قوستاناي وبلىسىنىڭ شەكاراسى - سۇرعان اۋىلى) كولىك قوزعالىسى شەكتەلىپ وتىر.سونداي-اق, وسى وڭىردەگى «جاقسى - ەسىل - بۇزىلىق» اۆتوجولىنىڭ 71-82 شاقىرىم ارالىعى (اقساۋ اۋىلى - بۇزىلىق اۋىلى), «جەزقازعان - پەتروپاۆل» اۆتوجولىنىڭ 536-553 شاقىرىم ارالىعى (بۇزىلىق اۋىلى - سۇرعان اۋىلى) بارلىق كولىك ءتۇرى ءۇشىن جابىق. «قازاۆتوجول» مالىمەتىنشە, جول ۋچاسكەلەرىن 24 اقپان ساعات 20:00-دە اشۋ جوسپارلانىپ وتىر. بۇعان دەيىن جەتىسۋ وبلىسىندا جول جابىلعانىن جازعانبىز.