سپورتشىلاردىڭ ءبىر اپتا بۇرىنعى جەڭىستەرى

مانەرلەپ سىرعاناۋ: سەۋلدە (وڭتۇستىك كورەيا) ءتورت قۇرلىق چەمپيوناتىندا ميحايل شايدوروۆ (قوسسايىس 285.10 ۇپاي) توپ جاردى.

سپورتتىق گيمناستيكا: گەرمانيانىڭ كوتبۋس قالاسىندا الەم كۋبوگىنىڭ ءبىرىنشى كەزەڭىندە ميلاد كاريمي (ەركىن جاتتىعۋ 14.133 ۇپاي) التىن مەدال جەڭىپ الدى.  

كونكيمەن جۇگىرۋ: پولشانىڭ توماشۋۆ-مازوۆەتسك قالاسىنداعى الەم كۋبوگى كەزەڭىندە ەۆگەني كوشكين 500 مەتر قاشىقتىقتا ۇزدىك شىقتى.  سونداي-اق قازاقستان ايەلدەر قۇراماسى كوماندالىق سايىستا ءۇشىنشى ورىن الدى.

نىسانا كوزدەۋ: تايلاندتاعى ازيا كۋبوگىندە ۇلتتىق قۇراما سپورتشىلارى 12 التىن, 9 كۇمىس, 4 قولا مەدالمەن جالپىكوماندالىق ەسەپتە 1-ورىندى يە بولدى.

ساداق اتۋ: تايلاندتاعى ازيا كۋبوگى كەزەڭىندە ۇلتتىق قۇراما سپورتشىلارى ءۇش كۇمىس مەدال ولجالادى.

دزيۋدو: ۆارشاۆادا (پولشا) ەۋروپا كۋبوگىندە سپورتشىلارىمىز 1 التىن, 1 كۇمىس مەدال جەڭىپ الدى. ەرلەر اراسىنداعى 60 كگ دەيىنگى سالماقتىڭ فينالىندا ەكى وتانداسىمىز شەرزود داۆلاتوۆ پەن باقىتجان اماننىڭ جولى ءتۇيىسىپ, شەرزودتىڭ مەرەيى ۇستەم بولدى.

كاراتە: فۋدجايرادا ء(باا) جاستار اراسىنداعى ا سەرياسى جارىسىندا قازاقستان كومانداسى 8 جۇلدە جەڭىپ الدى.

باتۋتتاعى گيمناستيكا: باكۋدە (ازەربايجان) قازاقستان قۇراماسى الەم كۋبوگى كەزەڭىندە كۇمىس مەدال ەنشىلەدى.