ساۋدا جانە ينتەگراتسيا مينيسترلىگى, اۋىل شارۋاشىلىعى مينيسترلىگى, قۇس وسىرۋشىلەر وداعى, جۇمىرتقا وندىرۋشىلەر سالالىق قاۋىمداستىعى جانە ساۋدا جەلىلەرى وداعى الەۋمەتتىك ماڭىزدى ازىق-ت ۇلىك تاۋارلارىنىڭ باعاسىن تۇراقتاندىرۋ شارالارىن ىسكە اسىرۋ بويىنشا ىنتىماقتاستىق مەموراندۋمىنا قول قويدى, دەپ حابارلايدى Egemen.kz.
مەموراندۋمنىڭ نەگىزى – تاراپتاردىڭ باعا تۇراقتىلىعىن قامتاماسىز ەتۋگە دەگەن ءوزارا مۇددەلىلىگى مەن بيزنەستىڭ الەۋمەتتىك جاۋاپكەرشىلىگىن ارتتىرۋ.
قول قويىلعان مەموراندۋم اياسىندا قۇس وسىرۋشىلەر وداعى مەن قاۋىمداستىق قۇس فابريكالارىنىڭ قويمالارى مەن فيرمالىق دۇكەندەرىندە ساتىلىم باعاسىنىڭ تۇراقتىلىعىن قامتاماسىز ەتۋگە مىندەتتەمە الدى.
ءوز تاراپىنان ساۋدا جەلىلەرى وداعى زاڭناما تالاپتارىنا سايكەس ساۋدا ۇستەمەسى مولشەرىن ساقتاۋىن قامتاماسىز ەتەدى جانە وسى ساناتتاعى جۇمىرتقالاردى ساتۋدان سىياقى تالاپ ەتپەيدى.
اۋىل شارۋاشىلىعى مينيسترلىگى جەرگىلىكتى وندىرۋشىلەردى قورعاۋ ماقساتىندا جۇمىرتقا يمپورتىنا شەكتەۋ ەنگىزۋ ماسەلەسىن قاراستىرىپ, ساۋدا جانە ينتەگراتسيا مينيسترلىگىمەن بىرگە زاڭسىز يمپورتتىق جۇمىرتقالاردى نارىققا شىقپاۋىن, ولاردى اينالىمنان الۋ جونىندە باقىلاۋ شارالارىن قابىلدايدى.
ساۋدا جانە ينتەگراتسيا مينيسترلىگى مەموراندۋم اياسىندا باعا مونيتورينگىن جۇرگىزىپ, ونىڭ شارتتارىنىڭ ورىندالۋىن باقىلايدى.