بۋراباي اۋدانىنداعى بۋراباي اۋىلىندا جەكە تۇرعىن ۇيدە ءورت شىقتى. وقيعا ورنىنا جەدەل جەتكەن قۇتقارۋشىلار بولمەلەردىڭ بىرىنەن 63 جاستاعى ەر ادامنىڭ جانسىز دەنەسىن تاپتى, دەپ حابارلايدى Egemen.kz.
اقمولا وبلىسى توتەنشە جاعدايلار دەپارتامەنتى مالىمەتىنشە, جالىن 25 شارشى مەتر اۋماقتى شارپىعان. ءورت شىققانى تۋرالى حابار توتەنشە جاعدايلار قىزمەتىنە كەلىپ تۇسكەننەن كەيىن, قۇتقارۋشىلار 25 مينۋت ىشىندە ونى وقشاۋلاپ, كوپ ۇزاماي تولىق سوندىرگەن.
«وكىنىشكە قاراي, ۇيدەگى ادامدى امان الىپ قالۋ مۇمكىن بولمادى», – دەپ مالىمدەدى تجد وكىلدەرى.
قازىر ورتكە قارسى زەرتحانا ماماندارى وقيعانىڭ سەبەپتەرىن انىقتاپ جاتىر. قايعىلى وقيعانىڭ ءمان-جايى ناقتىلانادى.