تانىسىنا كۇش كورسەتكەن اتىراۋلىققا ايىپپۇل سالىندى

اتىراۋ قالالىق اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىندا ە.-گە قاتىستى اكىمشىلىك ءىس قارالدى. كىنالىگە اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 1-بولىگىمەن ايىپ تاعىلعان.

«ە. 18 اقپاندا ءوزىنىڭ تانىسى ك.-نى ونىڭ كەلىسىمىمەن ءوزىنىڭ اۆتوكولىگىنە وتىرعىزعان. جولدا ەكەۋىنىڭ اراسىندا جانجال تۋىنداعان. سونىڭ ناتيجەسىندە ك. ءارى قاراي بارۋدان باس تارتىپ, كولىكتەن شىعىپ كەتكەن. الايدا ە. ونى كۇشپەن كولىككە قايتا وتىرعىزىپ, ۇساق بۇزاقىلىق جاساعان, -دەپ حابارلادى اتالعان سوتتان.

جابىرلەنۋشىنىڭ ايتۋىنشا, ە. ونى ۇيىنە دەيىن جەتكىزگەن. وعان ەشقانداي تالابى جوق.

سوتتا ە.-ءنىڭ كىناسى مويىنداۋ جاۋابىمەن, اكىمشىلىك قۇقىق بۇزۋشىلىق تۋرالى حاتتامامەن, باياناتپەن, ساۋال قويۋ حاتتاماسىمەن دالەلدەندى.

«قۇقىق بۇزۋشى ە. ايىپ تاعىلعان باپپەن كىنالى دەپ تانىلدى. سوت قاۋلىسىمەن وعان 78 مىڭ 640 تەڭگە مولشەرىندە اكىمشىلىك ايىپپۇل سالىندى», دەپ مالىمدەدى سوتتان.

سوت قاۋلىسى زاڭدى كۇشىنە ەنگەن جوق.