ۇكىمەت ەكونوميكانىڭ ناقتى سەكتورىن قارجىلاندىرادى

ونىڭ ىشىندە جەڭىل ونەركاسىپ, حيميا ونەركاسىبى, تاماق ونىمدەرىن جانە قۇرىلىس ماتەريالدارىن ءوندىرۋ, ماشينا جاساۋ, جۇك تاسىمالداۋ, شوب دامىتۋ ءۇشىن ەكوورتا قالىپتاستىراتىن ينفراقۇرىلىمدىق جانە كلاستەرلىك جوبالار بار. 

«2025 جىلى «بايتەرەك» ۇلتتىق باسقارۋشى حولدينگى» اق كاسىپكەرلىكتى قولداۋعا, تۇرعىن ءۇي قۇرىلىسىن دامىتۋعا جانە 2027 جىلعا قاراي قارجىلاندىرۋ كولەمىن ودان ءارى 10 ترلن تەڭگەگە دەيىن ارتتىرا وتىرىپ, نەگىزگى ۇلتتىق جانە ينۆەستيتسيالىق جوبالاردى ىسكە اسىرۋعا 8 ترلن تەڭگە باعىتتايدى», دەلىنگەن حابارلامادا.

اۋقىمدى قارجىلاندىرۋ شەڭبەرىندە بيزنەستى, ەكسپورتتىق مۇمكىندىكتەردى دامىتۋعا باعىتتالعان قولداۋدىڭ جاڭا تەتىكتەرى ىسكە قوسىلادى, قارجىلاندىرۋ جانە الەۋمەتتىك باستامالار قۇرالدارى كەڭەيتىلەدى. ولاردىڭ ىشىندە, شوب پەن ءىرى بيزنەستى قولداۋ ءۇشىن ەكى كەپىلدىك قورى قۇرىلادى.

«شوب-تى قولداۋ ءۇشىن 2025 جىلى «دامۋ» كەپىلدىك قورى قۇرىلادى. بۇل ءۇشىن «دامۋ» فۋنكتسيالارى جاڭا مىندەتتەرمەن تولىقتىرىلادى, كەپىلدىك بەرۋ قۇرالى بويىنشا ءونىم جەلىسى كەڭەيتىلەدى, ۇسىنىلاتىن كەپىلدىكتەردىڭ مولشەرى ۇلعايتىلادى, كەپىلدەندىرۋگە جاتاتىن ەكونوميكا سەكتورلارىنىڭ (ەقجج) تىزبەسى كەڭەيتىلەدى. جاڭا ونىمدەرگە كەپىلدىكتەردى قايتارىمسىزدىق جانە شارتسىزدىق قاعيداتتارى بويىنشا شىعارۋ جوسپارلانۋدا. كەپىلدىك قورىن قۇرۋ مەملەكەتتىك بيۋدجەتكە تۇسەتىن جۇكتەمەنى قوسىمشا قارجىلاندىرۋ كوزدەرىنەن قاراجات تارتۋ ەسەبىنەن ازايتادى, بيزنەس سۋبەكتىلەرىن كەپىلدىك بەرۋ تۇرىندەگى قولداۋ شاراسىمەن قامتۋدى ۇلعايتادى جانە بانكتەردىڭ وتىمدىلىگىن ەكونوميكالىق اينالىمعا ءتيىمدى تارتۋعا مۇمكىندىك بەرەدى. كەپىلدىك قورىن ىسكە قوسۋ 2028 جىلعا قاراي كەپىلدىكتەر پورتفەلىن 1 ترلن تەڭگەگە دەيىن ارتتىرۋعا (2023 جىلمەن سالىستىرعاندا +148%) جانە جىل سايىن 50 مىڭنان استام جوبانى قولداۋعا مۇمكىندىك بەرەدى (2023 جىلى كەپىلدىك بەرۋ قۇرالى ارقىلى 8 212 جوباعا قولداۋ كورسەتىلدى)», دەپ حابارلادى ۇكىمەتتىڭ ءباسپاسوز قىزمەتى.

سونىمەن قاتار 2025 جىلى «دامۋ» قورى 1,7 ترلن تەڭگەنى قۇرايتىن شوب-تىڭ كەمىندە 30 مىڭ جوباسىنا قولداۋ كورسەتەدى. بايتەرەكتىڭ ءىرى بيزنەسكە ارنالعان كەپىلدىك قورى ءىرى جانە ستراتەگيالىق ماڭىزدى جوبالاردى كەپىلمەن قامتاماسىز ەتۋدىڭ جەتكىلىكتى بولۋى ماسەلەسىن شەشەدى. جوبانى قارجىلاندىرۋ كەزىندە ەكىنشى دەڭگەيلى بانكتەردىڭ جانە/نەمەسە قدب-نىڭ نەسيەسى جوبا قۇنىنىڭ 80%-ىن قۇراۋى مۇمكىن. كەپىلدىك بەرۋ كەپىلمەن قامتاماسىز ەتۋدىڭ جەتكىلىكتى بولۋى ماسەلەلەرىن شەشە وتىرىپ, جوبا قۇنىنىڭ 30%-نا دەيىنگى سوماعا بەرىلەتىن بولادى. بايتەرەكتىڭ قارجىلاندىرۋ سوماسى 7,3 ترلن تەڭگەنى قۇرايدى, ونىڭ ىشىندە 2025 جىلعا 3,7 ترلن تەڭگە قاراستىرىلعان. حولدينگتىڭ كەپىلدىگى 2,2 ترلن تەڭگەگە نەمەسە 30%-عا دەيىن جەتۋى مۇمكىن, ونىڭ ىشىندە 1,1 ترلن تەڭگەگە دەيىنگى كەپىلدىك 2025 جىلعا قاراستىرىلعان. بۇل رەتتە 50% – بولاشاق بيزنەس-سەرىكتەستىڭ كەپىلدىگى. بايتەرەك جوبانىڭ كاپيتالىنا كىرە الادى, سودان كەيىن كاسىپكەردىڭ جەكە قاتىسۋ مولشەرى 20%-دان تومەن بولۋى مۇمكىن. وسىلايشا, ءىرى جوبالاردا كەپىلمەن قامتاماسىز ەتۋدىڭ جەتىسپەۋشىلىگى ماسەلەسى شەشىلۋدە.ء   ىرى بيزنەس سۋبەكتىلەرىن قارجىلاندىرۋ ءۇشىن قۇنى 7 ملرد تەڭگەدەن باستالاتىن جوبالار بويىنشا كەپىلدىكتەر بەرىلەتىن بولادى. ەكىنشى دەڭگەيلى بانكتەر ءۇشىن بۇل نەسيەلەندىرۋ كولەمىنىڭ ۇلعايۋىن جانە كەپىل كولەمى جەتكىلىكسىز بولعان كەزدە نەسيەلەندىرۋ تاۋەكەلدەرىنىڭ تومەندەۋىن قامتاماسىز ەتۋگە مۇمكىندىك بەرەدى. كەپىلدىكتەر بەرۋ وڭدەۋ ونەركاسىبى سەكتورلارىندا جوسپارلانىپ وتىر. كەپىلدىكتەردىڭ قايتارىمسىزدىعى بانكتەردىڭ قىزىعۋشىلىعىن ارتتىرۋعا, ال بيزنەس سۋبەكتىلەرى ءۇشىن كەپىلدىكتەردىڭ اقىلى بولۋى كاسىپكەرلەردىڭ جاۋاپكەرشىلىگىن كۇشەيتۋگە ارنالعان.   سونىمەن قاتار ۇكىمەت جەكەلەگەن سالالاردى دامىتۋ ماقساتىندا جەكەلەگەن سالالاردا – IT, لوگيستيكا, تۋريزم, جەڭىل ونەركاسىپ, حيميا ونەركاسىبى, تاماق ونىمدەرىن, قۇرىلىس ماتەريالدارىن ءوندىرۋ, ماشينا جاساۋ سالالارىندا «ينۆەستيتسيالارعا تاپسىرىس» جاريالايدى. مۇددەلى تۇلعالار ۇلتتىق ەكونوميكا مينيسترلىگىنىڭ ەكونوميكا سالالارىن دامىتۋ دەپارتامەنتىنە, «دامۋ» قورىنا, «بايتەرەك» حولدينگىنە جۇگىنۋى قاجەت.