پەريزات قايرات مۇگەدەك-بالالارعا ارنالعان وڭالتۋ ورتالىعىن سالۋعا الاياقتىق جولمەن اقشا جينادى دەگەن كۇدىككە ىلىكتى. بۇل تۋرالى قارجىلىق مونيتورينگ اگەنتتىگى حابارلادى, دەپ جازادى Egemen.kz.
ول 2021 جىلدىڭ قاراشاسىندا اقمولا وبلىسىنداعى «باتىر» قوعامدىق بىرلەستىگىنە وڭالتۋ ورتالىعىن سالۋ ءۇشىن اقشا جيناۋ ماقساتىندا قايىرىمدىلىق اۋكتسيونىن ۇيىمداستىرعان.
شاراعا مۇقتاج مۇگەدەك-بالالار مەن ولاردىڭ اتا-انالارى دا تارتىلعان.
«پ.قايرات 48 ميلليون تەڭگە جينالىپ, قۇنى 100 ميلليون تەڭگە عيمارات سىيعا تارتىلعانى تۋرالى حابارلاعان. الايدا, اۋكتسيون كەزىندە شىن مانىندە 22 ميلليون تەڭگە تۇسكەن. ال اقشانى جەكە قاجەتىنە جاراتقان. سونىمەن قاتار, ول «باتىر» قوعامدىق بىرلەستىگى ءۇشىن قۇنى 30 ملن تەڭگە جەر تەلىمىن ساتىپ العانىن مالىمدەگەن. تەرگەۋ بارىسىندا بۇل ۋچاستوكتى 2019 جىلى بىرلەستىك ءوزى ساتىپ العانى بەلگىلى بولدى», دەلىنگەن اگەنتتىك حابارلاماسىندا.
ال وڭالتۋ ورتالىعىنىڭ قۇرىلىسى الى باستالماعان, ورتالىققا بەرىلدى دەگەن عيمارات مۇلدەم جوق بولىپ شىققان.
سوتقا دەيىنگى تەرگەۋ جالعاسىپ جاتىر. اگەنتتىك وزگە اقپارات تەرگەۋ مۇددەسىنە ساي جاريا ەتىلمەيتىنىن ەسكەرتتى.