ەر-ريادتا الەمدى الاڭداتقان كەلىسسوز باستالدى

اقش پرەزيدەنتىنىڭ تاياۋ شىعىستاعى ارنايى وكىلى ستيۆ ۋيتكوفف «Fox News»-كە بەرگەن سۇح­باتىندا كەلىسسوزدەر وڭ ناتيجە بەرەتىنىنە سەنىمدى ەكەنىن ايتتى.

«مەن جەكسەنبى كۇنى ساۋد ارابياسىنا ۇلتتىق قاۋىپسىزدىك كەڭەسشىسىمەن بىرگە كەلدىم. ءبىز پرەزيدەنتتىڭ تاپسىرماسى بويىنشا كەزدەسۋلەر وتكىزەمىز, رەسەي مەن ۋكرايناعا قاتىستى وڭ ناتيجەگە قول جەتكىزەمىز دەپ ۇمىتتەنەمىز. سونى­مەن قاتار ۋكراينا كەلىسسوزدەرگە قاتىسپايدى دەگەنمەن كەلىسپەيمىن», دەدى س.ۋيتكوفف.

ول سونداي-اق ۋكراينا مەن رەسەي الدىمەن ءوزارا سەنىم قۇرۋ كەرەك ەكەنىن, وسى ورايدا امەريكا­لىق تاراپ ۋكراين شەنەۋنىكتەرىمەن بولەك كەلىس­سوز جۇرگىزىپ جاتقانىن مالىمدەدى.

ەسكە سالساق, دونالد ترامپ ­13 اقپاندا ساۋد ارابياسىندا رەسەي, اقش جانە ۋكراينا وكىلدەرىنىڭ كەزدەسەتىنىن جاريالاعان ەدى. ال «Bloomberg» اگەنتتىگىنىڭ مالىمەتىنشە, اقش پەن رەسەي پرەزيدەنتتەرى اقپان ايىنىڭ سوڭىندا ساۋد ارابياسىندا كەزدەسىپ, ۋكرايناداعى قاقتىعىستى توقتاتۋ ماسەلەسىن تالقىلايدى. قازىر ۆاشينگ­تون مەن ماسكەۋدىڭ جوعارى شەن­دى وكىلدەرى ەكى ەلدىڭ پرەزيدەنتى قاتى­ساتىن سامميتكە دايىندالىپ جاتىر.

اقش پرەزيدەنتىنىڭ ۋكراينا بو­يىنشا ارنايى وكىلى كيت كەللوگ وعان دەيىنگى بەيبىت كەلىسسوزدەر ۇستەلىندە ەۋروپا قاتىسپاۋى مۇمكىن, بىراق ونىڭ مۇددەلەرى ەسكەرىلەدى دەپ مالىمدەدى. ال دونالد ترامپ ۋكراينا كوشباسشىسى ۆلاديمير زەلەنسكيمەن تەلەفون ارقىلى سويلەسكەننەن كەيىن ۋكراين تاراپى دا كەلىسسوزدەرگە قاتىساتى­نىن مالىمدە­گەن ەدى. وتكەن جۇما كۇنى گەرمانيادا اقش ۆيتسە-پرەزيدەنتى دجەي دي ۆەنسپەن كەزدەسكەن ۋكراينا پرەزي­دەن­تى ۆلاديمير زەلەنسكي ۋكراينا ساۋد ارابياسىندا كەلىسسوزدەر جۇر­­­­گىزۋگە شاقىرىلماعانىن جانە كيەۆ ستراتەگيالىق سەرىكتەستەرمەن جاعدايدى تالقىلامايىنشا, رەسەي­مەن ءوزارا بايلانىس ورناتپايتىنىن ايتتى.

امەريكالىق «Axios» اقپاراتتىق پورتالىنىڭ مالىمەتى بويىنشا, اقش دەلەگاتسياسىنىڭ قۇرامىندا مەملەكەتتىك حاتشى ماركو رۋبيو, اق ءۇيدىڭ ۇلتتىق قاۋىپسىزدىك جونىندەگى كەڭەسشىسى مايك ۋولتتس, دونالد ترامپتىڭ تاياۋ شىعىستاعى ارنايى وكىلى ستيۆ ۋيتكوفف بار. ال رەسەي فەدەراتسياسى دەلەگاتسياسىنىڭ ناقتى قۇرامى بەلگىسىز. «Axios» حابارلاۋىن­شا, ەر-ريادقا رەسەي ءسىم باسشىسى سەرگەي لاۆروۆ كەلۋى مۇمكىن. ال «Bloomberg» اگەنتتىگىنىڭ حابارلاۋىنشا, رەسەي پرەزيدەنتىنىڭ كومەكشىسى يۋري ۋشاكوۆ پەن سىرتقى بارلاۋ قىزمەتىنىڭ باسشىسى سەرگەي نارىشكين دە بولادى. سونىمەن قاتار كەلىسسوزدەردى اقش-تا ءبىلىم الىپ, جۇمىس ىستەگەن رەسەيدىڭ جەكە كاپيتال قورى­نىڭ باسشىسى كيريلل دميتريەۆ قاداعالايدى.

كيەۆ تاراپى ەر-ريادتاعى كەزدەسۋگە شاقىرىلماعان. زەلەنسكيدىڭ ءوزى 16 اقپاندا كەشكە بىرىككەن اراب امىرلىكتەرىنە رەسمي ساپارمەن كەلدى. «FlightAware» پورتالىنىڭ اقپاراتىنا سايكەس, جەكسەنبىدە ۋكراينا پرەزيدەنتىنىڭ ۇشاعى ميۋنحەننەن پولشانىڭ جەشۋۆ-ياسەنكا اۋەجايىنا, سودان كەيىن ابۋ-دابيگە ۇشىپ كەلگەن. ءارى قاراي ەر-ريادقا تابان تىرەگەن.

«NBC» حابارلاۋىنشا, ۆاشينگ­تون قاقتىعىستى توقتاتۋعا قاتىستى ماسكەۋ جانە كيەۆپەن بىردەي كەلىسسوز جۇرگىزەدى. الايدا الدىمەن جاعدايدى ەكى ەل وكىل­د­ە­رىمەن جەكە تالقىلاپ الماق, سودان كەيىن عانا ۇشجاقتى كەلىسسوزدەر جۇر­گىزۋگە ءبىر ۇستەل باسىنا جينالادى. وسى سەبەپتى ۋكراينا دەلەگاتسياسىن ساۋد ارابياسىنداعى رەسەيمەن كەلىسسوزدەرگە شاقىرماعان.

جالپى, ترامپتىڭ پۋتينمەن تەلەفون ارقىلى سويلەسۋى رەسەي باسشىسىنىڭ ءباسىن ارتتىرا ءتۇستى دەيدى ساراپشىلار. ء«پۋتيننىڭ وقشاۋلانعان قوعامى اياقتالدى. بۇعان دەيىن ول اسكەري قىلمىسكەر بولىپ سانالىپ كەلدى. ەندى ول ءوزىنىڭ ەڭ ماڭىزدى الەمدىك كوشباسشى­نىڭ تەڭ قۇقىلى سەرىكتەسى ەكەنىن دالەلدەدى», دەگەن پىكىردە پولياكتىڭ «Rzeczpospolita» شولۋشىسى رەندجەي بەلەتسكي.

ال «New York Times» ترامپ پەن ءپۋتيننىڭ اڭگىمەسىن رەسەي پرە­زيدەنتىنىڭ «ۇلكەن جەڭىسى» دەپ اتادى. «بۇل تەلەفون قوڭىراۋى ءپۋتيننىڭ ۋكراينا تاعدىرىن انىقتاپ, باسقا دا ماڭىزدى ماسەلەلەردى ماسكەۋ مەن ۆاشينگتون شەشۋى كەرەك دەگەن ويعا جەتەلەدى», دەپ جازادى ءباسپاسوزدىڭ ماسكەۋ بيۋروسىنىڭ باسشىسى انتون ترويانوۆسكي.