Narxoz ۋنيۆەرسيتەتى قۇقىق جانە مەملەكەتتىك باسقارۋ مەكتەبىندە پارلامەنت سەناتى توراعاسىنىڭ ورىنباسارى, 2-سىنىپتى مەملەكەتتىك ادىلەت كەڭەسشىسى, زاڭ عىلىمدارىنىڭ كانديداتى جاقىپ اسانوۆتىڭ ءدارىسى ءوتتى, دەپ جازادى Egemen.kz.
جاستاردىڭ ساياسي مادەنيەتى مەن قۇقىقتىق, فيلوسوفيالىق كوزقاراستارىن قالىپتاستىرۋدى ماقسات ەتكەن دارىستە سەناتور ج. اسانوۆ: «الەم قارقىندى وزگەرۋدە, جانە مەملەكەتتىك باسقارۋ بۇل وزگەرىستەرگە سايكەس كەلىپ قانا قويماي, ولاردان وزىق بولۋى قاجەت», دەيدى. ساراپشى زاڭ سالاسىنا كەلگەن كۇننەن باستاپ, كاسىبي پورتفوليوسىن ءبىلىم, بىلىك جانە داعدىمەن ۇشتاستىرعانىن, ىزگىلىك پەن ادامگەرشىلىك ادىلدىك تارازىسىندا ارقاشان دا جوعارى تۇراتىنى كاسىبي ماماننىڭ باستى ۇستانىمى ەكەنىن اتاپ ءوتتى.
جاستاردىڭ ومىرلىك ماقساتى, ۇستانىمى,بولاشاق قىزمەت باعدارىن سانالى تۇردە سارالاپ, تالعاپ, ءوز مۇمكىندىكتەرى مەن قارىم-قابىلەتىن باعىتتاۋى جەتىستىككە جەتۋدىڭ نەگىزى دەيتىن بولساق, زاڭگەر ول قوعامدا ادىلدىك قالىپتاستىراتىن, اقيقاتتى ايتاتىن, ءوز ورتاسىنا كاسىبيلىگىمەن تانىلاتىن تۇلعا بولىپ قالىپتاسۋى ءتيىس.
سەناتورمەن ءدارىس بولاشاق زاڭگەر, ساياساتكەر, ديپلومات ماماندارمەن قىزۋ-پىكىرتالاسق جالعاسىپ, ستۋدەنتتەر تولعاندىرعان سۇراقتارىنا جاۋاپ الدى.
«قازىرگى مەملەكەتتىك باسقارۋ بىرقاتار سىن-تەگەۋرىندەرمەن بەتپە-بەت كەلۋدە. ونىڭ ىشىندە, مەملەكەتتىك ورگانداردىڭ جۇمىس تيىمدىلىگىن ارتتىرۋ, تسيفرلىق تەحنولوگيالاردى ەنگىزۋ, حالىقپەن ءوزارا ءىس-قيمىلدى جاقسارتۋ جانە شەشىم قابىلداۋ ۇدەرىسىنىڭ اشىقتىعىن قامتاماسىز ەتۋ ماسەلەلەرى ەرەكشە ورىن الادى. بۇگىنگى تاڭدا مەملەكەتتىك مەنەدجمەنت مامانداردان باسقارۋدىڭ زاماناۋي قۇرالدارى, تابىستى تاجىريبەلەرى مەن تۇراقتى مەملەكەتتىك ينستيتۋتتاردى دامىتۋعا ىقپال ەتەتىن ستراتەگيالىق تاسىلدەر تۋرالى تەرەڭ ءبىلىمدى تالاپ ەتەدى» دەپ اتاپ ءوتتى سەناتور.
دارىستەن العان اسەرىمەن بولىسكەن ستۋدەنتينديرا حاسانوۆا ساراپشىنىڭ كۇردەلى جاعدايلاردى قاراپايىم مىسالدارمەن ءتۇسىندىرىپ, كەز كەلگەن جەتىستىكتىڭ جولىندا ءبىلىم مەن ىزدەنىس, مول تاجىريبەنىڭ قاجەت ەكەنىن جاستار تەرەڭ ءتۇسىنۋى قاجەتتىگىن اتاپ ءوتتى. «جاڭا زامان اعىمىمەن پايدا بولعان تەحنولوگيالاردى ۇيرەنىپ, ونى كاسىبي كادەگە جاراتۋ ماڭىزدى. ءدارىستى تىڭداي وتىرىپ, الىپ جاتقان ءبىلىمىم مەن بولاشاق جۇمىس ورنىما قاتىستى تىڭ ويلار پايدا بولدى. ەندى مەن ومىردە باستى نە نارسەگە نازار اۋدارۋ قاجەتتىگى قاعيداسىن كۇندەلىكتى ومىرىمدە قولدانعىم كەلەدى. سونداي-اق كەز كەلگەن ىستە وتە مۇقياتتىلىقتىڭ قاجەت ەكەنىن ءتۇسىندىم» دەيدى ول.
«ساراپشىنىڭ ءاربىر سوزىنەن تاباندىلىق پەن ۇزدىكسىز ءبىلىم الۋدىڭ ماڭىزدى ەكەنىن ۇعىندىم. اسىرەسە, سوت جۇيەسىندەگى ءتيىمدى جۇرگىزگەنرەفورمالارى مەن ءۇشىن تەرەڭ زەرتتەيتىن كەيس بولدى. سونداي-اق, قىلمىستىق جازالاردى ىزگىلەندىرۋ مەن تۇرمەدە وتىرعاندار سانىن ازايتۋداعى تاجىريبەسىن جاستار وقىپ, بىلگەنى ابزال. بۇل قوعامداعى الەۋمەتتىك ادىلەتتىلىكتىڭ كورىنىسى ءارى ناتيجەسى ەكەنى داۋسى» دەيدى ۋنيۆەرسيتەت ستۋدەنتى اسەل قۇرمانقۇلوۆا.
سەناتور وتكىزگەن ءدارىس ستۋدەنتتەرگە عانا ەمەس, ۋنيۆەرسيتەتتىڭ وقىتۋشى- پروفەسسورلار قۇرامى ءۇشىن دە قۇقىقتىق جۇيە, باسقارۋ جانە رەفورمالارعا قاتىستى مازمۇنعا, پايدالىاقپاراتتارعا تولى بولدى.