ۇلتتىق ستاتيستيكا بيۋروسىنىڭ مالىمەتىنشە, 2024 جىلدىڭ قاڭتار-قىركۇيەك ارالىعىندا قازاقستانعا 11,5 ميلليون شەتەلدىك ازامات كەلگەن, دەپ جازادى Egemen.kz.
بۇل كورسەتكىش 2023 جىلدىڭ سايكەس كەزەڭىمەن سالىستىرعاندا 2 ەسە كوپ.
قوناق ءۇي مەن باسقا دا ورنالاستىرۋ ورىندارىنا رەسەي فەدەراتسياسىنان كەلگەن تۋريستەر كوبىرەك توقتاعان. ياعني, 2024 جىلدىڭ توعىز ايىندا ەلىمىزگە رەسەيدەن 307 756 ادام كەلگەن. كەيىنگى ساتىعا قىتاي (127 059 ادام) ازاماتتارى جايعاسسا, ۇزدىك ۇشتىكتى ءۇندىستان (91 148 ادام) تۋريستەرى تۇيىندەدى.
العاشقى وندىقتا تۇركيا (47 590), اقش (35 628), وزبەكستان (29 082), گەرمانيا (24 672), وڭتۇستىك كورەيا (20 950), ءباا (17 557) جانە يتاليا (13 411) مەملەكەتتەرى بار.