20-23 اقپان كۇندەرى الماتىدا وتەتىن ورتالىق ازياداعى ەڭ ءىرى Almaty Tech Cup چەمپيوناتى سۋ رەسۋرستارى مەن سۋ استى الەمىن زەرتتەۋدىڭ جاھاندىق ماسەلەسىنە ارنالادى, دەپ جازادى Egemen.kz.
چەمپيونات 4-18 جاس ارالىعىن قامتيدى. جۇلدە 4 جاس ساناتى بويىنشا جەكە ۇلەستىرىلەدى. كوماندالار اقش-تىڭ تەحاس شتاتى, حيۋستون قالاسىندا وتەتىن الەمدىك كەزەڭدە ەل نامىسىن قورعاۋ ءۇشىن باق سىنايدى.
ال دروندار سايىسى ASPAN Drone Competition — درونداردى باعدارلامالاۋ جانە باسقارۋ, ASPAN Cyber Competition — VelociDrone سيمۋلياتورىنداعى ۆيرتۋالدى جارىستار, ASPAN Drone Race — FPV (First Person View) سىندى باعىتتاردى قامتيدى.
جەڭىمپازدار وڭتۇستىك كورەيا, ەۋروپانىڭ بىرنەشە ەلدەرى, قىتاي جانە تۇركياداعى چەمپيوناتتاردا قازاقستاننىڭ نامىسىن قورعاۋعا مۇمكىندىك الادى.