بۇگىندە ەلىمىزدە 2 ملن 445 مىڭ مىڭ زەينەتكەر بار. جىل باسىنان بەرى رەسپۋبليكالىق بيۋدجەتتەن 346 ملرد تەڭگە سوماسىنا زەينەتاقى تولەنگەن, ونىڭ ىشىندە بازالىق زەينەتاقى تولەۋگە – 111,8 ملرد تەڭگە, ىنتىماقتى زەينەتاقى تولەۋگە – 234,2 ملرد تەڭگە قاراستىرىلعان, دەپ حابارلايدى Egemen.kz.
«2025 جىلعى 1 اقپانداعى جاعداي بويىنشا جيىنتىق زەينەتاقىنىڭ ورتاشا مولشەرى 143 248 تەڭگەنى قۇرادى, ونىڭ ىشىندە ىنتىماقتى زەينەتاقى مولشەرى – 95 789 تەڭگە, بازالىق زەينەتاقى – 47 459 تەڭگە», دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگى.
ەستەرىڭىزگە سالا كەتەيىك, 2025 جىلعى 1 قاڭتاردا بازالىق زەينەتاقى تولەمىنىڭ مولشەرى قر ۇلتتىق بانكى ايقىندايتىن ينفلياتسيانىڭ بولجامدى دەڭگەيىنە سايكەس 6,5%-عا, ىنتىماقتى زەينەتاقى 8,5%-عا, ياعني ينفلياتسيا دەڭگەيىنەن 2% - عا وزا وتىرىپ ۇلعايتىلعان ەدى.