بيىل كەڭەس وداعىنىڭ باتىرى, قازاقتىڭ قايسار قىزى ءاليا مولداعۇلوۆانىڭ تۋعانىنا 100 جىل. اتاۋلى كۇنگە وراي مەرەيتويلىق لوگوتيپ بەكىتىلدى, دەپ حابارلايدى Egemen.kz اقتوبە وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
مادەنيەت, ارحيۆتەر جانە قۇجاتتاما باسقارماسىنىڭ حابارلاۋىنشا, لوگوتيپ - باتىر رۋحىنا دەگەن تاعزىمنىڭ سيمۆولى, ونىڭ ەسىمىن ۇرپاق جادىندا ماڭگى قالدىرۋدىڭ كورىنىسى بولادى.
ايتا كەتەيىك, مەرەيتوي اياسىندا اقتوبەدەن شىعاتىن بارلىق ونىمدەردە وسى لوگوتيپ بەينەلەنەدى. سونداي-اق, وبلىستىق دەڭگەيدە 100-دەن اسا ءىس-شارا وتەدى. مەرەيتوي رەسپۋبليكالىق سالتاناتتى شارالار تىزىمىنە ەنگىزىلگەن.
100 جىلدىق قارساڭىندا ءاليا اۋىلدىق كلۋبى, ء«اليا» پاتريوتتىق تاربيە بەرۋ ورتالىعى, كەڭەس وداعىنىڭ باتىرى ءاليا مولداعۇلوۆانىڭ اتىنداعى مەموريالدىق مۋزەيىنە جوندەۋ جۇمىستارى جۇرگىزىلگەن. كۇنى كەشە وبلىستىق ءاليا مۋزەيىندە زاماناۋي تسيفرلىق تەحنولوگيالار تانىستىرىلدى.