كاسىپكە باۋليتىن جوبا

يگى جوبا مەملەكەت باسشىسى قاسىم-جومارت توقاەۆتىڭ تاپسىرماسى اياسىندا ەلوردا اكىمدىگى مەن «جاڭا مۇمكىندىك» قوعامدىق قورىنىڭ بىرلەسۋىمەن جۇزەگە استى. مۇندا وقىتۋ باعدارلامالارى ەڭبەك نارىعىنىڭ سۇرانىسىنا ساي قۇرىلادى. ماسەلەن, 18 بەن 50 جاس ارالىعىنداعى ازاماتتارعا تسيفرلىق داعدىلاردى تەگىن وقۋعا بولادى.

«Joltap»-تىڭ «بازالىق تسيفرلىق داعدىلار» كۋرسىنىڭ وقىتۋشىسى دياس ماحاتوۆتىڭ سوزىن­شە, بۇگىندە جاستار اراسىندا بۇل سالاعا دەگەن قىزى­عۋشىلىق جوعارى.

– بىلتىر ءساۋىر ايىنان باستاپ جوبا قاتىسۋشى­لارىنا تسيفرلىق داعدىلاردى ۇيرەتىپ جاتىرمىن. بەس كۇندىك وقىتۋ كۋرسىندا كومپيۋتەرمەن جۇمىس ىستەۋ تاسىلدەرى مەن تاجىريبەلىك جۇمىسقا باسا نازار اۋدارىلادى. ستۋدەنتتەرگە ارنايى جابدىقتالعان كابينەتتەردە «Microsoft Office» سەكىلدى قاجەتتى باعدار­لامالاردى ورناتۋ ادىستەرى كورسەتىلەدى. قاتىسۋ­شىلارعا مىندەتتى تۇردە سەرتيفيكات بەرىلەدى. قازىرگى ۋاقىتتا 330-عا جۋىق ەلوردالىق وسى باعىتتا وقۋىن ءساتتى اياقتاپ, ارنايى قۇجات الدى. كۋرستار تسيفرلىق جانە جۇمىس داعدىلارىنىڭ كەڭ اۋقىمىن قامتيدى. جاڭا مۇمكىندىك اشىپ, قاتىسۋشىلارعا استانانىڭ زاماناۋي كاسىپورىندارىندا جۇمىسقا ورنالاسۋعا نە ءوز كاسىبىن اشۋعا جول اشادى, – دەدى د.ماحاتوۆ.

الەۋمەتتىك باستاماعا قاتىستى استانالىقتار­دان 100 مىڭنان اسا ءوتىنىش تۇسكەن. ال اقپاراتتىق ورتالىق قىزمەتىن اتقاراتىن مودۋلدىك پۋنكتتەردە 26 مىڭ ادام كەڭەس الدى. 3 مىڭ ازاماتقا تسيفرلىق كومەك كورسەتىلدى. ماماندار ەلەكتروندى تسيفرلىق قولتاڭبا الۋعا, مەكتەپ, بالاباقشا جانە باسپاناعا كەزەككە تۇرۋعا جاردەمدەسكەن.

كۋرستى ءساتتى اياقتاپ, قاجەتتى داعدىلاردى مەڭ­گەرگەن 5 مىڭ قاتىسۋشى ءتۇرلى سالادا, ايتالىق, قالالىق ونەركاسىپتىك كاسىپورىندارعا, سەرۆيستىك كومپانيالارعا جۇمىسقا ورنالاستى. سونىمەن قاتار شەبەرحانالار, دۇكەندەر جانە فريلانس جوبالارى سياقتى جەكە كاسىپتەرىن اشىپ ۇلگەردى.

استانالىق ايسۇلۋ قازىر جيھاز ديزاينى سالاسىندا جۇمىس ىستەيدى. دەكرەتتىك دەمالىستاعى بوس ۋاقىتىن پايدالانىپ, وزىنە تاڭسىق ماماندىقتى مەڭگەرۋدى ويلايدى. وسىلايشا جوبا كومەگىمەن الدىمەن جيھاز قۇراستىرۋشى, كەيىن موبيلوگرافيانى مەڭگەرەدى.

– «Instagram» جەلىسىندەگى حابارلاماعا كوزىم ءتۇستى. مۇنى ءوزىمدى دامىتۋعا, كوزقاراسىمدى كەڭەيتۋگە جانە جاڭا ماماندىقتى يگەرۋگە قاجەت مۇمكىندىك دەپ كوردىم. وسىعان دەيىن جيھاز جاساۋ سالاسىندا جۇمىس ىستەگەنمىن, بىراق جۇيەلى ءبىلىم جەتىسپەيتىن. «Joltap» كۋرستارى ماعان بار بىلگەنىمدى جۇيەلەۋگە جانە جاڭا داعدىلاردى مەڭگەرۋگە كومەكتەستى. ءبىز ولشەمدەردى ەسەپتەۋدى, ماتەريالداردى تاڭداۋدى جانە جيھاز قۇراستىرۋدى ۇيرەندىك. كۋرس اياعىندا جيھازدى ءوز بەتىمشە قۇراستىرا الاتىن بولدىم. بۇل ءبىلىم ماماندىعىما دەگەن سەنىمدىلىكتى ارتتىرۋعا جانە بىلىكتىلىگىمدى كەڭەيتۋگە سەپتىگىن تيگىزدى. كوپ ۇزاماي كاسىبي موبيلوگرافيانى دا وقىپ الدىم. ياعني كاسىبي قۇزىرەتتىلىگىممەن قاتار, تابىسىمدى ارتتىرۋعا سەرپىن بەرەر جاڭاشىلدىقتى ۇيرەندىم, – دەپ اتاپ ءوتتى جوبا تۇلەگى.

ايتا كەتۋ كەرەك, جوبانى جۇزەگە اسىرۋداعى ماڭىزدى قادامنىڭ ءبىرى جۇمىس بەرۋشىلەردى بىلىكتى ماماندارمەن بايلانىستىرۋعا كومەكتەسەتىن, وقىتۋ مەن قايتا دايارلاۋدىڭ ءتۇرلى قۇرالدارىن ۇسىناتىن «Jumystap.kz» پلاتفورماسىن اشۋ بولعان. مىنە, بۇگىندە قوسىمشا قالانىڭ ماماندارعا دەگەن سۇرانى­سىن جەدەل شەشە وتىرىپ, كادر تاپشىلىعى مەن جۇ­مىس­سىزدىق ماسەلەسىندە ماڭىزدى ەلەمەنتكە اينالدى.

– باسقا جيھاز جاساۋشىلار سەكىلدى ەڭ الدىمەن ءوز ۇيىمە قاجەتتى شكاف جاسادىم. ناتيجەسىن كورگەن سوڭ بۇل ىسپەن كاسىبي تۇردە اينالىسۋدى نيەت ەتىپ, ەلورداداعى جيھاز تسەحتارىنىڭ بىرىنە جۇمىسقا ورنالاستىم. وندا قۇراستىرۋ جانە مونتاجداۋ نەگىزدەرىن ۇيرەنىپ, قوسىمشا وسى سالاعا قاتىستى ينتەرنەتتە قولجەتىمدى اقپاراتتاردى زەرتتەدىم. جيھاز جاساعاننان كەيىن ونى ءتيىمدى ساتۋ جولدارىن ءبىلۋ ءۇشىن «Joltap»-تىڭ «تارگەتولوگ» كۋرسىنا قاتىسۋعا ءوتىنىش ءبىلدىردىم. ءارى قاراي جوباعا ءوز ۇسىنىمدى ءبىلدىرىپ, جاڭادان اشىلعان كۋرستىڭ وقىتۋشىسى بولدىم. باستاما ەلوردا تۇرعىندارىنا 10 جۇ­مىسشى جانە 8 تسيفرلىق كاسىپ بو­يىنشا وقۋدان وتۋگە بىرەگەي مۇمكىن­دىك بەرەدى. جۇمىس داعدىلارى كوبى­نە تىگىنشى, مودەلەر-كونسترۋكتور, بۋحگالتەرلىك ەسەپ, شكاف جيھازىن جاساۋ نەگىزدەرى, كاسسير-ساتۋشى, اياق­كيىم جوندەۋ شەبەرى, Kaspi ساۋدا, ەلەكتر جانە گازبەن دانەكەرلەۋشى, ماي اۋىستىرۋ جانە دوڭگەلەك جوندەۋ, باريس­تا. وعان قوسا SMM, ۆەب-سايت ازىرلەۋشى, ۆيدەو مونتاج, گرافيكالىق ديزاين, كونتەنتمەيكەر, موبيلوگرافيا, ماركەتولوگ سىندى زاماناۋي باعىتتارى دا بار, – دەدى «Joltap» جوباسىنداعى «كورپۋستى جيھاز جاساۋ نەگىزدەرى» كۋرسىنىڭ وقىتۋشىسى مارات بازاربەكوۆ.

جالپى, بىلتىر استانادا «Joltap» جوباسى سەكىلدى باسقا دا جۇمىسپەن قامتۋ شارالارى كومەگىمەن 23,3 مىڭ ادام ەڭبەككە ارالاستى. ونىڭ 13,7 مىڭى – جاس­تار. جۇمىس ورىندارىن قۇرۋدىڭ وڭىرلىك كارتاسىن ىسكە اسىرۋ شەڭبەرىندە 67 634 جۇمىس ورنى قۇرىلدى. نەگىزگى باعدارلامالار قاتارىندا «جاستار پراكتيكاسى», «قوعامدىق جۇمىستار», «العاشقى جۇمىس ورنى» جانە جاز مەزگىلىندە ەلوردانى اباتتاندىرۋعا ۇلەس قوساتىن «جاسىل ەل» جوباسى بار.

ۇلتتىق ستاتيستيكا بيۋروسىنىڭ مالىمەتتەرىنە سۇيەنسەك, ەلوردادا NEET ساناتىنداعى جاستاردىڭ ۇلەسى 6,1%-دى نەمەسە 26 447 ادامدى قۇرايدى. استانالىق جاستار ساياساتى ماسەلەلەرى باسقارماسىنىڭ باسشىسى سامات يبراەۆتىڭ ايتۋىنشا, جوعارىدا اتالعاندارعا قوسىمشا 35-كە دەيىنگى ازاماتتاردى الەۋمەتتەندىرۋ ءۇشىن بىرقاتار جوبا جۇزەگە اسىرىلىپ جاتىر.

– 2024 جىلى «تازا قازاقستان» اكتسياسى بارىسىندا زياندى ادەتتەرمەن كۇرەسۋ ماقساتىندا ناسىبايدى ورتەۋ جانە «تاۋەلدىلىكتى سپورتقا ايىرباستا» اتاۋىمەن ناۋقان وتكىزىلدى. ال ەسىرتكى زاتتارى تۋرالى جارنامالىق جازۋلاردى بوياۋ بويىنشا رەيدتەر ۇيىمداستىرىلدى. ەكولوگيالىق شارالار اياسىندا جاستار «تازا دۇيسەنبى», ء«ساتتى سارسەنبى», «جاسىل استانا» اكتسيالارىنا بەلسەندى قاتىسىپ, قالانى كوگالداندىرۋ جانە تازالاۋ جۇمىستارىنا اتسالىس­تى. وتكەن جىلى ويىنقۇمارلىقتىڭ الدىن الۋ با­عىتىنداعى جۇمىستار كۇشەيتىلدى. پسيحياترلار مەن ناركولوگتەردىڭ قاتىسۋىمەن كوللەدج ستۋدەنتتەرى­مەن 8 كەزدەسۋ وتكىزىلىپ, 500-دەن اسا اقپاراتتىق بۋكلەت پەن پاراقشا تاراتىلدى. «ەرىكتىلەر مەكتەبى» اياسىندا 2024 جىلى ۆولونتەر شىۇ ءسامميتى (200 ەرىكتى) جانە دۇنيەجۇزىلىك كوشپەلىلەر ويىندارى (1 600 ەرىكتى) سياقتى حالىقارالىق ءىس-شارالاردا بەلسەندى بولدى. «جاس سارباز» جوباسى شەڭبەرىندە جاستاردى پاتريوتتىق رۋحتا تاربيەلەۋ ماقساتىندا ءىس-شارالار ۇيىمداستىرىلىپ, 110 مەكتەپ پەن 35 كوللەدجدە 10 مىڭنان اسا جاس وقيتىن «جاس سارباز» سىنىپتارى مەن كلۋبتارى اشىلدى. استانا جاستارىنا قولداۋ كورسەتۋ ماقساتىندا ءتۇرلى جوبالار مەن باستامالاردى جۇزەگە اسىرىپ, ولاردىڭ دامۋى مەن جۇزەگە اسىرلۋى ءۇشىن قولايلى ورتا قالىپتاستىرىلىپ جاتىر, – دەدى باسقارما باسشىسى.