قىزىلوردا وبلىسى بويىنا ەكونوميكالىق تەرگەپ-تەكسەرۋ دەپارتامەنتى بيۋدجەت قاراجاتىن جىمقىرعان قىزمەتكەردىڭ جولىن كەستى. دەپارتامەنت دەرەگىنشە حالىقتى الەۋمەتتىك قورعاۋ سالاسىندا قىزمەت اتقارعان د.مۇحتارقىزىنىڭ 2018-2024 جىلدار ارالىعىندا قىزمەت بابىن پايدالانىپ, وزىنە سەنىپ تاپسىرىلعان بوتەن م ۇلىكتى اسا ءىرى مولشەردە يەمدەنگەنى انىقتالدى.
ول وزىنە جۇكتەلگەن لاۋازىمدىق مىندەتتەرگە سايكەس قىزمەتكەرلەردىڭ ايلىق تابىسىن ەسەپتەۋ بارىسىندا ۇنەمدەلگەن جولمەن ارتىلىپ قالعان اقشانى جىمقىرىپ كەلگەن. وسىلايشا ول 24 700 000 تەڭگە قاراجاتتى باس پايداسىنا جۇمساپ, مەملەكەتكە اسا ءىرى كولەمدە زالال كەلتىرگەن.
تەرگەپ-تەكسەرۋ بارىسىندا كىناسىن مويىنداعان سوتتالۋشى سوت ۇكىمىمەن قر قك-ءنىڭ 189-بابى 4-بولىگى 2)-تارماعىمەن كىنالى دەپ تانىلىپ, 6 جىل مەرزىمگە باس بوستاندىعىنان ايىرۋ جازاسى تاعايىندالدى. سوتتالۋشىعا قك-ءنىڭ 74-بابىنىڭ 1-بولىگى قولدانىلىپ, ون ءتورت جاسقا تولماعان بالاسى بار ايەل رەتىندە جازاسىن ورىنداۋ كەيىنگە قالدىرىلىپ, پروباتسيالىق باقىلاۋ بەلگىلەندى.