قازاق راديوسىنىڭ ساندۋعاشى اتانعان ديكتور ساۋىق جاقانوۆا 80 جاسقا تولدى, دەپ حابارلايدى Egemen.kz. قازاق راديوسىنىڭ «التىن قورىنداعى» ادەبي-سازدى حابارلاردىڭ 80 پايىزى ونىڭ داۋسىمەن جازىلعان.
ساۋىق جاقانوۆا 1945 جىلى 11 اقپاندا قاراعاندى وبلىسى جاڭاارقا اۋدانىنا قاراستى ەركىندىك اۋىلىندا دۇنيەگە كەلگەن. 1966 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن تامامداعان.
1966-2002 جىلدارى قازاق راديوسىندا ديكتور, 1998-2000-جىلدارى تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ ساحنالىق سويلەۋ ءپانىنىڭ دارىسكەرى بولدى. 2000-2013 جىلدارى قازاقتىڭ ءال-فارابي اتىنداعى ۇلتتىق ۋنيۆەرسيتەتتىڭ جۋرناليستيكا فاكۋلتەتىندە وقىتۋشىلىق ەتتى.
جوعارى وقۋ ورىندارىنىڭ ستۋدەنتتەرىنە ارناپ «سويلەۋ تەحنيكاسى» (2002), «جۇرگىزۋشىنىڭ سويلەۋ مادەنيەتى» (2004) جيناقتارىن جازدى. «قۇرمەت بەلگىسى» وردەنىمەن ماراپاتتالعان (1985).