اقش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن تەلەفون ارقىلى ۋكرايناداعى سوعىستى اياقتاۋ ماسەلەسىن تالقىلادى. بۇل تۋرالى New York Post حابارلادى, دەپ حابارلايدى Egemen.kz.
ترامپ مۇنى Air Force One بورتىندا جۋرناليستەرمەن اڭگىمەلەسۋ بارىسىندا مالىمدەدى.
الايدا اق ءۇي باسشىسى پۋتينمەن اڭگىمەسىندە انىق نە ايتىلعانىن اشىپ ايتپادى.
رەسەي پرەزيدەنتىنىڭ ءباسپاسوز حاتشىسى دميتري پەسكوۆ بولسا بۇل اڭگىمەنىڭ بولعانىن نە راستامادى, نە جوققا دا شىعارمادى.
«ۆاشينگتونداعى جاڭا اكىمشىلىكتىڭ جۇمىسىنا بايلانىستى ءتۇرلى بايلانىستار بولىپ جاتىر, ولار ءارتۇرلى ارنالار ارقىلى جۇرگىزىلەدى. سوندىقتان مەن بارلىق بايلانىستاردان حاباردار بولماۋىم مۇمكىن. سوندىقتان بۇل اقپاراتتى راستاي دا, جوققا دا شىعارا المايمىن», دەدى ول.
ترامپ New York Post تىلشىسىمەن سۇحباتىندا ءپۋتيننىڭ مايداندا قازا بولىپ جاتقان ادامدارعا بەي-جاي قارامايتىنىن ايتتى.