قىرعىزستاننىڭ مەملەكەتتىك ۇلتتىق قاۋىپسىزدىك كوميتەتى (ۇقكك) 2025 جىلدىڭ قاڭتارىندا قازاقستاندىق YouTube-ارنالاردىڭ بىرىنە سۇحبات بەرگەن جانە ۇلتارالىق ارازدىقتى قوزدىرۋعا باعىتتالعان مالىمدەمەلەرگە جول بەرگەن ازاماتقا قاتىستى قىلمىستىق ءىس قوزعادى, دەپ حابارلايدى Egemen.kz.
قىرعىز بۇقارالىق اقپارات قۇرالدارىنىڭ مالىمەتىنشە, سۇحباتىندا قازاق حالقىنان «كەنەسارى حاننىڭ ءولىمى ءۇشىن» كەشىرىم سۇراعان ءانشى قايرات پريمبەرديەۆ جاۋاپقا تارتىلىپ جاتىر. ونىڭ بۇل سۇحباتى جەلىدە داۋ-داماي تۋدىرعان.
ءانشى «كەنەسارى حاننىڭ باسىن ەلىنە قايتارىپ, قازاق حالقىنىڭ الدىنداعى ايىبىمىزدان ارىلۋ كەرەكپىز», دەپ ايتقان ەدى.
13 قاڭتاردا ءانشى كەشىرىمدى قىرعىز حالقىنىڭ اتىنان ەمەس, تەك ءوزىنىڭ اتىنان سۇراعانىن ايتىپ بەينەۇندەۋ جازعان بولاتىن.