بۇگىن «قازمۇنايگاز» ۇك» اق باسقارما توراعاسىنىڭ ورىنباسارى بولىپ شافكات قۇداباەۆ تاعايىندالدى. بۇل قىزمەتتە ول قۇقىقتىق ماسەلەلەردى قاداعالايتىن بولادى, دەپ حابارلايدى Egemen.kz قر مۇناي جانە گاز كەڭەسىنىڭ Telegram ارناسىنا سىلتەمە جاساپ.
شافكات قۇداباەۆ قاراعاندى بيزنەس, باسقارۋ جانە قۇقىق ۋنيۆەرسيتەتىن, ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن, ي.م.گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتىن بىتىرگەن.
ەڭبەك جولىن 2001 جىلى قر مەملەكەتتىك كىرىستەر مينيسترلىگىندە جەتەكشى مامانى بولىپ باستاعان.
2002-2020 جىلدارى قر قارجى مينيسترلىگىندە ءارتۇرلى قىزمەتتەر اتقاردى: قم سالىق كوميتەتى زاڭ باسقارماسىنىڭ باستىعى, قاراعاندى وبلىسى بويىنشا سالىق دەپارتامەنتىنىڭ باستىعى, قم مەملەكەتتىك كىرىستەر كوميتەتىنىڭ مامانداندىرىلعان باسقارماسىنىڭ باسشىسى جانە ت.ب;
2020-2021 جىلدارى «BTS Digital Ventures Fund» جك-دا سالىق ماسەلەلەرى بويىنشا ساراپشى;
2021-2022 جىلدارى «KAZENERGY» فيسكالدىق رەتتەۋ دەپارتامەنتىنىڭ اتقارۋشى ديرەكتورى;
2022-2024 جىلدارى قر ەنەرگەتيكا مينيسترلىگىنىڭ جەر قويناۋىن پايدالانۋ دەپارتامەنتىنىڭ ديرەكتورى;
2024 جىلعى قازان ايىنان باستاپ «قازمۇنايگاز» ۇك اق باقىلاۋ-ۇيىمداستىرۋ جۇمىسى جانە سىرتقى بايلانىستار دەپارتامەنتى باسقارما توراعاسى قىزمەتىنىڭ بيزنەس-سەرىكتەسى بولىپ جۇمىس ىستەدى.