قوستاناي وبلىسىندا جارىسقا بارا جاتقان بالالار مىنگەن ەكى اۆتوبۋس قار قۇرساۋىندا قالىپ قويدى. توتەنشە جاعدايلار قىزمەتكەرلەرى جاس سپورتشىلاردى جىلىتۋ پۋنكتىنە جەتكىزدى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
وقيعا قوستاناي وبلىسى, امانتوعاي اۋىلىنان 20 شاقىرىم جەردە, «اۋليەكول-جولداما» وبلىستىق ماڭىزى بار جولىندا بولدى.
«توتەنشە جاعدايلار قىزمەتكەرلەرى 13 ادامدى, ونىڭ ىشىندە 11 بالانى قۇتقارۋ جۇمىستارى بارىسىندا امانتوعاي اۋىلىنداعى جىلىتۋ پۋنكتىنە جەتكىزدى. سونىمەن قاتار اۆتوبۋستار مەن جەتى جەڭىل كولىك, ياعني 14 ادام مىنگەن كولىك قاردان شىعارىلىپ, تازارتىلعان جولعا قاراي ەۆاكۋاتسيالاندى», – دەلىنگەن تجم حابارلاماسىندا.
قۇتقارۋ جۇمىستارى بارىسىندا زارداپ شەككەندەر جوق, مەديتسينالىق كومەك قاجەت بولماعان.
تجم ماماندارى قىس مەزگىلىندە الىس ساپارعا شىقپاس بۇرىن اۋا رايى بولجامىن مۇقيات قاداعالاۋعا جانە جولداعى قاۋىپسىزدىك ەرەجەلەرىن ساقتاۋعا شاقىرادى.