قر اۋىل شارۋاشىلىعى مينيسترلىگىنىڭ قوستاناي وبلىسى بويىنشا جەر رەسۋرستارىن باسقارۋ باسقارماسى جىتىقارا اۋدانىنىڭ پروكۋراتۋراسىمەن جانە ىشكى ىستەر ورگاندارىمەن بىرلەسىپ, جايىلىمعا ارنالعان جەر تەلىمىندە زاڭسىز التىن ءوندىرۋ فاكتىلەرىنىڭ جولىن كەستى, دەپ حابارلايدى Egemen.kz.
تەكسەرىس بارىسىندا جاۋاپكەرشىلىگى شەكتەۋلى سەرىكتەستىكتىڭ اۋىل شارۋاشىلىعى ونىمدەرىن وندىرۋگە ارنالعان جەر ۋچاسكەسىن يەلەنگەنى انىقتالعان. الايدا جەر يەسى ءىس جۇزىندە توپىراقتى جۋ ءادىسى ارقىلى زاڭسىز باعالى مەتالدار وندىرۋمەن اينالىسقان.
اۋماقتى تەكسەرۋ بارىسىندا ارنايى تەحنيكا, مەتالل ىزدەگىشتەر مەن پايدالى قازبالاردى زاڭسىز وندىرۋگە ارنالعان باسقا دا قۇرالدار تابىلعان.
«سونىمەن قاتار, توپىراقتىڭ قۇنارلى قاباتىنىڭ بۇزىلۋى فاكتىسى تىركەلدى. دەپارتامەنت 2,6 ميلليون تەڭگە ايىپپۇل سالدى. سونداي-اق سەرىكتەستىك زاڭسىز ارەكەتتەردىڭ سالدارىنان ب ۇلىنگەن قۇنارلى توپىراق قاباتىن قالپىنا كەلتىرۋگە مىندەتتى», دەپ حابارلادى اۋىل شارۋاشىلىعى مينيسترلىگىنىڭ ءباسپاسوز قىزمەتى.