ەلىمىزدىڭ باتىسى مەن وڭتۇستىگىندەگى رەسپۋبليكالىق ماڭىزى بار ەكى جولدا كولىك قوزعالىسى شەكتەلدى, دەپ جازادى Egemen.kz.
«قازاۆتوجول» كومپانياسىنىڭ حابارلاۋىنشا, قولايسىز اۋا رايىنا بايلانىستى اقتوبە, قىزىلوردا وبلىستارىنداعى جول ۋچاسكەلەرى ساعات 11:30-دان باستاپ جابىلعان.
اقتوبە وبلىسىندا «رف شەكاراسى-اقتوبە-قىزىلوردا-الماتى-قحر شەكاراسى» اۆتوجولىنىڭ 776-1240 شاقىرىم ارالىعىنداعى ۋچاسكەسىندە (اقتوبە قالاسىنان قىزىلوردا وبلىسىنىڭ شەكاراسىنا دەيىن) كولىكتىڭ بارلىق ءتۇرى ءۇشىن قوزعالىس شەكتەلگەن.قىزىلوردا وبلىسىندا «رف شەكاراسى-اقتوبە-قىزىلوردا-الماتى-قحر شەكاراسى» اۆتوجولىنىڭ 1240-1362 شاقىرىم ارالىعىنداعى ۋچاسكەسى (اقتوبە وبلىسىنىڭ شەكاراسىنان ارال قالاسىنا دەيىن) دە جابىلعان.جول ۋچاسكەلەرىن بۇگىن ساعات 20:00 اشۋ جوسپارلانىپ وتىر.